Shivsena Symbol: धनुष्यबाणाचा वाद दिल्ली हायकोर्टात, ठाकरे गटाची निवडणूक आयोगाविरोधात याचिका

शिवसेनेत जे दोन गट पडले आहेत त्यांच्यात पक्षचिन्ह आणि पक्षाचं नाव यावरून झालेला वाद हा निवडणूक आयोगाच्या दारात गेला होता. निवडणूक आयोगाने शनिवारी पक्षचिन्ह म्हणजेच धनुष्यबाण आणि शिवसेना हे नाव दोन्ही गोठवलं. त्यानंतर आता सोमवारी वेगाने घडामोडी घडताना दिसत आहेत. उद्धव ठाकरे गटाने निवडणूक आयोगाच्या निर्णयाच्या विरोधात दिल्ली हायकोर्टात धाव घेतली आहे. निवडणूक आयोगाने जो निर्णय दिला आहे त्या निर्णयाला ठाकरे गटाने दिल्ली हायकोर्टात आव्हान दिलं आहे.