अशोक चव्हाण काँग्रेस सोडून भाजपात जाणार का? या चर्चांमागचं कारण काय?
सध्या राज्याच्या राजकारणात मोठी उलथापालथ घडत आहे. सेनेत बंडखोरी होऊन पूर्ण शिवसेना फुटली. त्यामुळे कोणता नेता कधी कुठे जाणार याचा काही नेम राहिलेला नाही. सध्या काँग्रेस पक्षातील एका मोठ्या नेत्याचं नाव सध्या चर्चेत आलंय. ते म्हणजे माजी मुख्यमंत्री अशोकराव चव्हाण यांचं. आता असं काय झालंय की अशोक चव्हाण यांचं नाव चर्चेत येतोय. ते काँग्रेस सोडून […]
ADVERTISEMENT
सध्या राज्याच्या राजकारणात मोठी उलथापालथ घडत आहे. सेनेत बंडखोरी होऊन पूर्ण शिवसेना फुटली. त्यामुळे कोणता नेता कधी कुठे जाणार याचा काही नेम राहिलेला नाही. सध्या काँग्रेस पक्षातील एका मोठ्या नेत्याचं नाव सध्या चर्चेत आलंय. ते म्हणजे माजी मुख्यमंत्री अशोकराव चव्हाण यांचं. आता असं काय झालंय की अशोक चव्हाण यांचं नाव चर्चेत येतोय. ते काँग्रेस सोडून भाजप किंवा शिंदे गटात जाणार अशा चर्चाना का उधान आलंय, यावरच चर्चा करणारा हा रिपोर्ट.
गेली अनेक वर्ष चव्हाण कुटुंब काँग्रेसमध्ये सक्रिय
अशोक चव्हाण हे काँग्रेस पक्षातील महत्वाचे नेते मानले जातात. अशोक चव्हाण हे २००८ ते २०१० अशा जवळपास दोन वर्षांच्या काळासाठी महाराष्ट्राचे मुख्यमंत्री राहिलेत. अशोक चव्हाण हे महाराष्ट्राचे माजी मुख्यमंत्री शंकरराव चव्हाण यांचे पुत्र आहेत. गेली अनेक दशक चव्हाण कुटुंबीय हे काँग्रेस पक्षात कार्यरत आहेत. वेळोवेळी पक्षाने चव्हाण कुटुंबियांना त्यांच्या निष्ठेचं फळ दिलंय. फलस्वरूप मुख्यमंत्रीपदासह विविध खात्याचं मंत्रिपद, पक्षाच्या महत्वाच्या पदावर काम करण्याची संधी त्यांना मिळालीय.
अशोक चव्हाण पक्ष सोडणार असल्याची चर्चा नेमकी कशी सुरू झाली?
मात्र असं सगळं असलं तरी आता अशोक चव्हाण हे काँग्रेस सोडणार का? अशा चार्चाना उधान आले आहे. आता अशी चर्चा का होतीय, त्याला देखील काही कारणं आहेत. त्याचं झालं असं की, अशोक चव्हाण हे शिंदे-फडणवीस सरकारच्या बहुमत चाचणीच्या वेळी सभागृहात उशिरा पोहचले होते. त्यामुळे ते मतदान करू शकले नव्हते. त्यांच्यासोबत इतर 4 ते 5 आमदार बहुमत चाचणीपासून दूर राहिले होते. त्या दरम्यान आमच्या पाठीशी असणाऱ्या अदृश्य हातांचे उपमुख्यमंत्री देवेंद्र फडणवीस यांनी सभागृहात आभार मानले होते. पक्षविरोधी कार्यवाही केल्या प्रकरणी काँग्रेसने अशोक चव्हाण यांना कारणे दाखवा नोटीस बजावली होती. तेव्हापासून अशोक चव्हाण पक्षावर नाराज असल्याच्या चर्चा सुरू झाल्या.
नांदेडचे खासदार चिखलीकरांची ऑफर
दरम्यान, नांदेडचे खासदार प्रतापराव चिखलीकर यांनी अशोक चव्हाण यांना याआधी खुली ऑफर दिली होती. चव्हाण यांनी बहुमत चाचणीसाठी गैरहजर राहून भाजपाला अप्रत्यक्षपणे मदतच केली आहे. अशोक चव्हाण भाजपामध्ये आले तर आम्ही त्यांचे स्वागतच करू,” असे प्रतापराव चिखलीकर म्हणाले होते.
हे वाचलं का?
