राजांना मानाचा मुजरा… चिमुकलीला पोटाशी घेऊन कळसुबाई सर करणारी हिरकणी!

संपूर्ण जगाला हेवा वाटावा असा हा आपला वीरांचा आणि रणरागिनींचा हा महाराष्ट्र मुलुख आहे. याच महाराष्ट्रात जिजाऊ, छत्रपती शिवरायांचा वारसा सांगणारे अनेक मावळे आणि हिरकण्या आजही आहेत. हेच श्रुती गांधी या एका महिलेने आपल्या कृतीतून दाखवून दिले आहे.

माने परिवाराची लेक लग्न झाल्यावर गांधी परिवाराची सून झाली. श्रुतीवर शिवपराक्रमाचा पगडा आहे हे माहीत असल्याने तिला माहेर आणि सासरच्या अशा दोन्ही कुटुंबीयांनी तिला स्वातंत्र्य दिले. तशी ती दोन्ही कुटुंब ही शिवविचारांवर श्रद्धा ठेवणारी आहेत. त्यामुळे श्रुतीच्या गडकिल्ले भ्रमंतीला वाव मिळाला.