…तर उद्धव ठाकरेचं तोंड बंद करू, डोळे जागेवर ठेवणार नाही; राणेंचा ठाकरेंना गर्भित इशारा

उद्धव ठाकरेंच्या भाषणाला केंद्रीय मंत्री नारायण राणे यांनी दिल्लीत पत्रकार परिषदेतून उत्तर दिलं. राणे म्हणाले, “उद्धव ठाकरे म्हणतात, मुंबा आईवर वार करायला येईल, त्याचा कोथळा बाहेर काढल्याशिवाय राहणार नाही. कोण काढणार कोथळा? तू काढणार का? चाकू, सुरी हातात घेणार की आणखी काय घेणार? कुणाचा काढणारेस कोथळा?”, असा टोला नारायण राणेंनी पत्रकार परिषदेतून लगावला.

उद्धव ठाकरेंनी महाराष्ट्रात फिरुनच दाखवावं; राणे काय म्हणाले?

“भारतीय जनता पक्षात अजून आमच्यासारखे लोक जिवंत आहेत. वाकड्या नजरेनं जरी पाहिलं ना, तर जागेवर डोळे ठेवणार नाही आम्ही. हे माझं त्याला (उद्धव ठाकरे) सांगणं आहे. यापुढे वाकड्या नजरेनं पाहिलं आणि भारतीय जनता पक्षातील तसेच आमचे मित्र एकनाथ शिंदे यांच्या सहकाऱ्यांच्या केसाला धक्का लागला ना, तर महाराष्ट्रात फिरूनच दाखव. बघू आपण काय ते”, असा धमकीवजा इशारा नारायण राणेंनी उद्धव ठाकरेंना दिला.

‘अरे तुझी औकात आहे का?’; शिंदे, जाधवांचा उल्लेख, नारायण राणेंनी उद्धव ठाकरेंवर चढवला हल्ला