'मोदीजी काय नौटंकी सुरु आहे? बिनधास्त फिरतोय, सांगा कुठे येऊ?' लुकआऊट नोटीसनंतर मनीष सिसोदिया भडकले

सीबीआयचे लुकआउट परिपत्रक जारी झाल्यानंतर मनीष सिसोदिया यांनी पंतप्रधान मोदींवर टीका केली.
Delhi deputy cm manish sisodia file photo
Delhi deputy cm manish sisodia file photo

दिल्लीचे उपमुख्यमंत्री मनीष सिसोदिया यांच्या अडचणीत वाढ होताना दिसत आहे. मद्य उत्पादन धोरण घोटाळाप्रकरणी सीबीआयने त्यांच्याविरोधात लुकआऊट जारी केलं आहे. त्याचबरोबर यासंबंधीचे सर्व कागदपत्रे सीबीआयने ईडीला सोपवले आहे. त्यामुळे त्यांच्या अडचणीत वाढ होणार आहे. यावरून मनिष सिसोदिया यांनी पंतप्रधान मोदी यांच्यावर निशाणा साधला आहे.

'दिल्लीत बिनधास्त फिरतोय, सांगा कुठे येऊ?'- सिसोदिया

सीबीआयचे लुकआउट परिपत्रक जारी झाल्यानंतर मनीष सिसोदिया यांनी पंतप्रधान मोदींवर टीका केली. ते म्हणाले की, काय नौटंकी आहे? मी दिल्लीत बिनधास्त फिरतोय, सांगा कुठे येऊ? त्याचबरोबर सिसोदिया यांनी गुजरातचे मुख्यमंत्री असताना पंतप्रधान मोदींचे एक विधानही शेअर केले आहे, ज्यामध्ये ते सीबीआयच्या कारवाईवर प्रश्नचिन्ह उपस्थित करत आहेत.

ट्विट करत मोदींवर साधला निशाणा

मनीष सिसोदिया यांनी ट्विट करून लिहिले की, "तुमच्या सगळ्या धाडी फेल गेल्या आहेत. त्यात काही सापडले नाही. एका पैशात हेराफेरी सापडली नाही. आता तुम्ही लुक आऊट नोटीस जारी केली आहे की मनीष सिसोदिया सापडत नाहीत. ही काय नौटंकी आहे मोदी जी? मी मुक्तपणे फिरतोय. दिल्लीत कुठे यायचे ते सांगा ? असा सवाल त्यांनी विचारला.

लुकआऊट नोटीस जारी होण्यापूर्वी सिसोदिया यांनी पंतप्रधान नरेंद्र मोदींचा एक व्हिडिओ शेअर केला होता. ज्यामध्ये लिहिले होते, माना कि धीरे धीरे तो, मौसम भी बदलते रहते हैं, आपकी रफ़्तार से तो, हवाएं भी हैरान हैं साहब, असा सिसोदिया यांनी टोला लगावला.

सीबीआयच्या छाप्यावर सिसोदिया म्हणाले

उपमुख्यमंत्री मनीष सिसोदिया यांनी आज तकशी बोलताना सांगितले की, सीबीआयच्या छाप्यात काहीही सापडले नाही, तेव्हा लूक आऊट नोटीस जारी करण्यात आली याचे मला आश्चर्य वाटते. मोदींनी छापेमारी करण्यापेक्षा महागाई आणि बेरोजगारीचा विचार करावा. यासोबतच ते म्हणाले की, सीबीआयचे वास्तव मोदींकडून ऐकून घेतले पाहिजे. माझ्या घरून एक पैसाही मिळाला नाही, ऑफिसच्या फाईल्स घेतल्या आहेत.

मद्य धोरणात कोणताही घोटाळा झाला नाही : सिसोदिया

मद्य धोरणावर सिसोदिया म्हणाले की, कोणताही घोटाळा झाला नाही. सीबीआय चौकशीची गरज नाही. यासोबतच अटकेच्या प्रश्नावर ते म्हणाले की, हा घोटाळा नाही, त्यामुळे अटक करणार. या घोटाळ्याची काळजी असती तर गुजरातमधील अवैध दारूची चौकशी झाली असती. अरविंद केजरीवाल यांना रोखण्यात त्यांचे हित आहे. नवीन उत्पादन शुल्क धोरणाला मंत्रिमंडळाने मंजुरी दिली नसल्याच्या आरोपावर सिसोदिया म्हणाले की, यात कोणताही गैरप्रकार झालेला नाही, सखोल चौकशीनंतरच छापा टाकण्यासाठी आले होते.

कपिल मिश्रा यांनी सिसोदिया यांना लुकआउट नोटीसचा अर्थ सांगितला

भाजप नेते कपिल मिश्रा यांनी ट्विट करून सिसोदिया यांना लुकआउट नोटीसचा अर्थ सांगितला आहे. मिश्रा यांनी ट्विट केले आहे की, "दिल्लीचे शिक्षणमंत्री इतके अशिक्षित आणि मूर्ख आहेत का की त्यांना लूक आऊट नोटीसचा अर्थ कळत नाही? लूक आऊट नोटीसचा अर्थ असा आहे की तुम्ही आता देशाबाहेर पळून जाण्याचा प्रयत्न केल्यास तुम्हाला रोखले जाईल. तुमच्या या घोटाळ्यातील दोन गुन्हेगार परदेशात पळून गेले आहेत.

Related Stories

No stories found.
Mumbai Tak
www.mumbaitak.in