पत्रकार, शिवसेना खासदार, मविआचे शिल्पकार असलेल्या संजय राऊतांचा राजकीय प्रवास आहे तरी कसा?
शिवसेना खासदार संजय राऊत यांना रविवारी रात्री उशिरा अटक करण्यात आली. पत्रा चाळ प्रकरणातल्या आर्थिक गैरव्यवहार प्रकरणात ईडीने ही कारवाई केली. तेव्हापासून संजय राऊत हे राज्याच्या राजकारणात केंद्रस्थानी आहेत. तसं तर महाविकास आघाडी सरकार स्थापन झाल्यापासूनच संजय राऊत हे रोज त्यांच्या विविधी प्रतिक्रियांमुळे चर्चेत होते. अत्यंत रोखठोक आणि शिवसेनेची मुलुखमैदान तोफ अशी ओळख असलेल्या संजय […]
ADVERTISEMENT
शिवसेना खासदार संजय राऊत यांना रविवारी रात्री उशिरा अटक करण्यात आली. पत्रा चाळ प्रकरणातल्या आर्थिक गैरव्यवहार प्रकरणात ईडीने ही कारवाई केली. तेव्हापासून संजय राऊत हे राज्याच्या राजकारणात केंद्रस्थानी आहेत. तसं तर महाविकास आघाडी सरकार स्थापन झाल्यापासूनच संजय राऊत हे रोज त्यांच्या विविधी प्रतिक्रियांमुळे चर्चेत होते. अत्यंत रोखठोक आणि शिवसेनेची मुलुखमैदान तोफ अशी ओळख असलेल्या संजय राऊतांचा राजकीय प्रवास नेमका कसा आहे आपण जाणून घेणार आहोत.
संजय राऊत यांच्याबाबत जाणून घेऊया सविस्तर
संजय राऊत यांचा जन्म १५ नोव्हेंबर १९६१ ला अलिबाग यामध्ये झाला. त्यांनी मुंबईतल्या वडाळा या ठिकाणी असलेल्या आंबेडकर महाविद्यालयातून बी कॉमची पदवी घेतली आहे. शिवसेनाप्रमुख बाळासाहेब ठाकरे यांच्यासोबत संजय राऊत यांनी काम केलं आहे. लोकप्रभा या साप्ताहिकासाठी संजय राऊत लिहित असत. त्यांची ती शैली बाळासाहेब ठाकरेंना भावली. त्यामुळे बाळासाहेब ठाकरे यांनी संजय राऊत यांना बोलावून घेतलं. तेव्हापासून संजय राऊत शिवसेनेत आले. सामना या शिवसेनेशी संबंधित असलेल्या वृत्तपत्राचे कार्यकारी संपादकही झाले.
संजय राऊत यांनी त्यांच्या पत्रकारितेच्या कारकिर्दीची सुरूवात ही इंडियन एक्स्प्रेस समूहातून केली. लोकप्रभासाठी ते क्राईम रिपोर्टर म्हणून काम कर होते. १९९३ मध्ये सामना चे कार्यकारी संपादक झाले. बाळासाहेब ठाकरेंच्या अत्यंत निकटवर्तीयांपैकी संजय राऊत हे एक मानले जातात. संजय राऊत हे राज्यसभेचे खासदार आहेत. मात्र त्यांनी आजवर एकही निवडणूक लढवलेली नाही. आपली रोखठोक लेखणी आणि खास लेखनशैली यासाठी ते ओळखले जातात. बाळासाहेब ठाकरे, उद्धव ठाकरे आणि आदित्य ठाकरे अशा तिन्ही पिढ्यांशी त्यांनी व्यवस्थित जुळवून घेतलं आहे हे महाराष्ट्राने वारंवार पाहिलं आहे.
हे वाचलं का?
