Jitendra Awhad: “CM एकनाथ शिंदे म्हणतील तुला माहित आहे ना? मी हे करू शकत नाही”

काय म्हटलं आहे जितेंद्र आव्हाड यांनी ट्विटमध्ये?

आज ठाणे महापालिकेत मुख्यमंत्र्यांच्या हस्ते काही योजनांचे शुभारंभ आहे आमंत्रण दिले महापालिकेनी पण ब्रिज च्या उद्घाटनात त्यांच्या ८ फूट अंतरावर

माझ्यावर ३५४ चा गुन्हा दाखल झाला ते स्वतः साक्षीदार आहेत आज त्यांच्या बाजुला उभा राहीन आणि पोलिस पाकीट मारल्याचा गुन्हा दाखल करतील. त्या पेक्षा कार्येक्रमाला न गेलेले बर परत पोलिस म्हणतील दबाव होता आणि सीएम म्हणतील तुला माहीत आहेना मी हे करू शकत नाही .. तुला कस कळत नाही … खरंच कळत नाही ….. चलो ये वक्त भी गुजर जयेगा …… u too brutas अशी दोन ट्विट जितेंद्र आव्हाड यांनी केली आहेत. जी ट्विट्स चांगलीच चर्चेत आली आहेत.

आज ठाणे महापालिकेत मुख्यमंत्र्यांच्या हस्ते काही योजनांचे शुभारंभ आहे आमंत्रण दिले महापालिकेनी पण ब्रिज च्या उद्घाटनात त्यांच्या ८ फूट अंतरावर
माझ्यावर ३५४ चा गुन्हा दाखल झाला ते स्वतः साक्षीदार आहेत आज त्यांच्या बाजुला उभा राहीन आणि पोलिस पाकीट मारल्याचा गुन्हा दाखल करतील …

— Dr.Jitendra Awhad (@Awhadspeaks) December 3, 2022

त्या पेक्षा कार्येक्रमाला न गेलेले बर परत पोलिस म्हणतील दबाव होता आणि सीएम म्हणतील तुला माहीत आहेना मी हे करू शकत नाही .. तुला कस कळत नाही …
खरच कळत नाही ….. चलो ये वक्त भी गुजर जयेगा …… u too brutas

— Dr.Jitendra Awhad (@Awhadspeaks) December 3, 2022

काही दिवसांपूर्वी काय घडलं होतं?

काही दिवसांपूर्वी मुंब्रा या ठिकाणी उड्डाणपुलाचं लोकार्पण झालं. त्यावेळी मुख्यमंत्री एकनाथ शिंदे आले होते. याच कार्यक्रमात जितेंद्र आव्हाड यांचीही उपस्थित होती. हा कार्यक्रम जेव्हा पार पडला तेव्हा त्यानंतर जितेंद्र आव्हाड यांनी विनयभंग केल्याचा आरोप भाजपच्या महिला पदाधिकाऱ्याने केला होता. त्यानंतर जितेंद्र आव्हाड यांना अटकही करण्यात आली होती. तसंच नंतर त्यांना जामीनही दिला गेला होता. या सगळ्यावर पत्रकार परिषद घेऊन किती गलिच्छपणे राजकारण सुरू आहे जाणीवपूर्वक कसं खोट्या गुन्ह्यांमध्ये अडकवलं जातं आहे हे जितेंद्र आव्हाड यांनी सांगितलं होतं. त्या सगळ्या पार्श्वभूमीवर आज केलेली ही दोन ट्विट्स सोशल मीडियावर चर्चेत आली आहेत.