एकनाथ शिंदेंचा फोन, कैलास पाटलांनी उपोषण केलं स्थगित; आंदोलनस्थाळावरुन पोहोचले शेतकऱ्यांच्या बांधावर

उस्माानाबादचे आमदार कैलास पाटील यांनी सातव्या दिवशी उपोषण तात्पूर्त स्थगित केलं आहे. पक्षाचे प्रमुख उद्धव ठाकरे यांच्याशी झालेल्या चर्चेनंतर त्यांनी हा निर्णय घेतला आहे. शेतकऱ्यांच्या विविध मागण्यांसाठी उस्मानाबादचे आमदार कैलास पाटील गेल्या सात दिवसांपासून जिल्हाधिकारी कार्यालयाच्यासमोर बेमुदच उपोषणाला बसले होते. आज रविवारी त्यांच्या उपोषणाचा सातवा दिवस होता. दरम्यान, विरोधी पक्षनेते अंबादास दानवे यांनी आज सकाळीच कैलास पाटील यांची उपोषणास्थळी जाऊन भेट घेतली. तर उपमुख्यमंत्री देवेंद्र फडणवीस आणि उद्धव ठाकरेंशी झालेल्या चर्चेनंतर कैलास पाटील यांनी उपोषण स्थगित केल्याचं सांगितलं जात आहे. याबाबत त्यांनी घोषणा केली आहे.