Maharashtra Political crisis : शिवसेना फुटली! एकनाथ शिंदेंची ‘बेरीज’ झाली?

एकनाथ शिंदे यांनी ४० पेक्षा अधिक आमदार माझ्यासोबत असल्याचा दावा गेल्यानंतर राज्यात मुख्यमंत्र्यांच्या राजीनाम्याची चर्चा सुरू झाली. मात्र, मुख्यमंत्र्यांनी समोर येऊन भेटावं असं सांगत मातोश्री सोडली. मुख्यमंत्री तथा पक्षप्रमुख उद्धव ठाकरे यांच्या आवाहनानंतर चित्र आणखीनच बदललं आहे.

उद्धव ठाकरे यांच्या निवेदनानंतर शिवसेनेचे आणखी आमदार शिंदे गटाला जाऊन मिळाले आहेत. माहिमचे आमदार सदा सरवणकर, कुर्लाचे आमदार मंगेश कुडाळकर आणि माजी गृह राज्यमंत्री दीपक केसरकरही गुवाहाटीत पोहोचले आहेत. त्यामुळे शिंदेंना आवश्यक असलेल्या आकड्याची बेरीज जवळपास झाली असल्याचं दिसतंय.

दुसरीकडे एकाच वेळी दोन तृतीयांश आमदार फुटल्याने शिवसेनेच्या बाजूने बोटावर मोजण्याइतकेच आमदार शिल्लक राहिले आहेत.