निलेश राणेंना निवडून देत वैभव नाईकांचं पार्सल कणकवलीला परत पाठविणार! भाजपचा निर्धार
सिंधुदुर्ग : ऐन दिवाळीत तळकोकणात राणे-नाईक वादानं तोंड वर काढलं आहे. हिंमत असेल तर निलेश राणे यांनी 2024 मध्ये आपल्या विरुद्ध निवडणूक लढवून दाखवावी. 2014 मध्ये नारायण राणे यांना पराभूत केलं, निलेश राणेंनाही पराभूत करु, असं आव्हान आमदार वैभव नाईक यांनी दिलं होतं. त्यांच्या या आव्हानाला भाजपनं अवघ्या काळी वेळात प्रत्यूत्तर दिलं. होय, वैभव नाईक […]
ADVERTISEMENT
सिंधुदुर्ग : ऐन दिवाळीत तळकोकणात राणे-नाईक वादानं तोंड वर काढलं आहे. हिंमत असेल तर निलेश राणे यांनी 2024 मध्ये आपल्या विरुद्ध निवडणूक लढवून दाखवावी. 2014 मध्ये नारायण राणे यांना पराभूत केलं, निलेश राणेंनाही पराभूत करु, असं आव्हान आमदार वैभव नाईक यांनी दिलं होतं. त्यांच्या या आव्हानाला भाजपनं अवघ्या काळी वेळात प्रत्यूत्तर दिलं.
होय, वैभव नाईक आम्ही तुमचा आव्हान स्वीकारलं. 2024 ची निवडणूक निलेश राणे लढविणार आणि जिंकूनही येणार. पण निलेश राणेंच्या विजयानंतर वैभव नाईकांचं पार्सल आम्ही कणकवलीत परत पाठवल्याशिवाय गप्प बसणार नाही, असा इशारा भाजप जिल्हा कार्यकारिणी सदस्य आनंद शिरवलकर यांनी दिला. त्यामुळे दिवाळीतच राजकीय फटाकेही फुटायला लागले आहेत.
चौकशीवरुन झाली सुरुवात :
शिवसेना (उद्धव बाळासाहेब ठाकरे) पक्षाचे आमदार वैभव नाईक यांच्याविरोधात बेहिशोबी मालमत्ता प्रकरणी लाचलुचपत प्रतिबंधक विभागाची चौकशी सुरू आहे. मात्र ही चौकशी आकसातून होत असल्याचा आरोप ठाकरे गटाने केला आहे. तर ही चौकशी म्हणजे भाजपसोबत येण्यासाठी दबावतंत्राचा भाग असल्याचा आरोप वैभव नाईक यांनी केला.
दोन मोर्चांनी तापलं राजकारण :
या चौकशीचा निषेध करण्यासाठी शिवसेना (उद्धव बाळासाहेब ठाकरे) च्या वतीने नुकताच कुडाळमध्ये मोर्चा काढला होता. यावेळी खासदार अरविंद सावंत, भास्कर जाधव यांनी केंद्रीय मंत्री नारायण राणे यांच्यासह निलेश आणि नितेश राणे यांच्यावर टीकास्त्र सोडले होते. दरम्यान, या मोर्चाला चा प्रत्युत्तर म्हणून भाजपने ‘संविधान समर्थन मोर्चा’ काढला होता. या मोर्चात भाजप नेते आणि आमदार प्रविण दरेकर, प्रसाद लाड, निलेश राणे यांनी वैभव नाईक यांच्यावर टीकास्त्र सोडले होते.
हे वाचलं का?
