पुणे गणेश उत्सवात शिंदे विरूद्ध ठाकरे संघर्षाच्या देखाव्याला पोलिसांचा विरोध, संमती नाकारल्याने वाद

पुण्यात गणेश उत्सवात मोठ्या उत्साहात पार पडतो. कोरोनाच्या दोन वर्षांच्या निर्बंधानंतर गणेश उत्सवाची मोठ्या थाटात तयारी सुरु आहे. पुण्यातील काही गणेश मंडळ हे ज्वलंत प्रश्नांवर भाष्य करणारे जिवंत देखावे दाखवतात. मात्र यंदा हे देखावे वादात अडकताना दिसत आहेत. यापूर्वी संगम तरुण मित्र मंडळांना अफझल खानाचा वध दाखवणाऱ्या देखाव्याला सुरवातीला पोलिसांनी परवानगी नाकारली होती. मात्र मोठ्या विरोधानंतर पोलिसांना परवानगी द्यावी लागली. आता आणखी एका देखाव्यावरून वाद होताना दिसत आहे. राज्यातील सत्ता संघर्षाचा देखावा दाखवायला पोलिसांनी विरोध केला आहे.