Rajya Sabha Election: महाविकास आघाडीचं बळ वाढलं, Imtiyaz Jaleel यांनी जाहीर केला पाठिंबा
राज्यसभा निवडणुकीच्या दिवशी महाविकास आघाडीचं बळ वाढलं आहे. कारण एमआयएमने आपला पाठिंबा महाविकास आघाडीला जाहीर केला आहे. एमआयएमचे खासदार इम्तियाज जलील यांनी गुरूवारी शिवसेनेच्या (Shiv Sena) नेत्यांची भेट घेतली. ट्रायंडट हॉटेलमधून रात्री एकच्या दरम्यान ते तिथे होते. शिवसेना नेते एकनाथ शिंदे (Eknath Shinde), अनिल परब, खासदार अनिल देसाई, अरविंद सावंत आणि मिलिंद नार्वेकर यांच्यासोबत त्यांची […]
ADVERTISEMENT
राज्यसभा निवडणुकीच्या दिवशी महाविकास आघाडीचं बळ वाढलं आहे. कारण एमआयएमने आपला पाठिंबा महाविकास आघाडीला जाहीर केला आहे. एमआयएमचे खासदार इम्तियाज जलील यांनी गुरूवारी शिवसेनेच्या (Shiv Sena) नेत्यांची भेट घेतली. ट्रायंडट हॉटेलमधून रात्री एकच्या दरम्यान ते तिथे होते.
शिवसेना नेते एकनाथ शिंदे (Eknath Shinde), अनिल परब, खासदार अनिल देसाई, अरविंद सावंत आणि मिलिंद नार्वेकर यांच्यासोबत त्यांची चर्चाही झाली. त्यानंतर जलील यांनी त्यांचा पाठिंबा महाविकास आघाडीला दिलाय. एक एक मत महत्त्वाचं मानलं जातंय. अशात आजच्या दिवशी एमआयएमचा पाठिंबा महाविकास आघाडीला मिळणं ही मोठी बाब आहे.
काय म्हटलंय जलील यांनी
भाजपचा पराभव करण्यासाठी आमच्या पक्षाने महाविकास आघाडीसाठी मतदान करण्याचं ठरवलं आहे. राज्यसभा निवडणुकीत आम्ही महाविकास आघाडीला पाठिंबा देणार आहोत. आमच्या राजकीय भूमिका वेगवेगळ्या आहेत. तसंच काही मतभेदही आहेत. मात्र भाजपला हरवावं या उद्देशाने आम्ही शिवसेनेचा समावेश असलेल्या महाविकास आघाडीला मतदान करतो आहोत असं इम्तियाज जलील यांनी जाहीर केलं आहे.
हे वाचलं का?
