Govt Job: 2026 साठी रेल्वे बोर्डाकडून नवी भरती जाहीर! काय आहे अर्ज करण्याची शेवटची तारीख?
RRB म्हणजेच रेल्वे भरती बोर्डाकडून आयसोलेटेड कॅटेगरीसाठी भरती जाहीर करण्यात आली आहे. या भरतीसाठी अर्ज करण्याची प्रक्रिया सुरू झाली आहे.
ADVERTISEMENT
बातम्या हायलाइट
2026 साठी रेल्वेकडून नवी भरती जाहीर!
काय आहे अर्ज करण्याची शेवटची तारीख?
Railway Recruitment: नव्या वर्षात सरकारी नोकरी मिळव्याचं स्वप्न असणाऱ्या तरुणांसाठी चांगली संधी उपलब्ध झाली आहे. RRB म्हणजेच रेल्वे भरती बोर्डाकडून आयसोलेटेड कॅटेगरीसाठी भरती जाहीर करण्यात आली आहे. या भरतीसाठी अर्ज करण्याची प्रक्रिया सुरू झाली असून उमेदवार www.rrbapply.gov.in या रेल्वेच्या अधिकृत वेबसाइटवर जाऊन 31 जानेवारी 2026 पर्यंत अर्ज करू शकतात. या भरतीच्या माध्यमातून चीफ लॉ असिस्टंट, जूनिअर ट्रांसलेटर, पब्लिक प्रोसिक्यूटरसह विविध पदांच्या रिक्त जागा भरल्या जाणार आहेत.
काय आहे पात्रता?
या भरतीसाठी पदांनुसार, वेगवेगळी पात्रता निश्चित करण्यात आली आहे. चीफ लॉ असिस्टंट पदासाठी उमेदवारांकडे कोणत्याही मान्यताप्राप्त विद्यापीठातून 'लॉ'ची डिग्री आणि तीन वर्षाची प्रॅक्टिस असणं गरजेचं आहे. तसेच, पब्लिक प्रोसिक्यूटर पदासाठी लॉ ग्रॅज्युएशन आणि 5 वर्षांची अॅडव्होकेट प्रॅक्टिस असणं आवश्यक आहे. याशिवाय, ज्यांच्याकडे हिंदी विषयात पदव्युत्तर पदवी आहे आणि इंग्रजी हा विषय अनिवार्य आहे, ते 'ज्युनियर ट्रान्सलेटर' पदासाठी अर्ज करू शकतात.
तसेच, स्टाफ अँड वेलफेअर इंस्पेक्टर पदासाठी ग्रॅज्युएशनसह लेबर/ सोशल वेलफेयर किंवा एलएलबी लेबर लॉ/ पीजी डिप्लोमा असणं गरजेचं आहे. लॅब असिस्टंट पदासाठी फिजिक्स आणि केमिस्ट्री विषयांसह विज्ञात शाखेत 12 वी उत्तीर्ण असणं आवश्यक आहे. यासंबंधी अधिक माहिती मिळवण्यासाठी उमेदवार अधिकृत नोटिफिकेशन तपासू शकतात.
हे ही वाचा: "तू माझ्या बॉयफ्रेंडला बाबू का म्हणालीस?..." प्रियकरासाठी तरुणीला बेदम मारहाण! Video व्हायरल
अर्जाचं शुल्क
या भरतीसाठी अर्ज करण्यासाठी जनरल (Open)/ ओबीसी (OBC)/ ईडब्ल्यूएस (EWS) प्रवर्गातील उमेदवारांना 500 रुपये अर्जाचं शुल्क भरावं लागेल. तसेच, एससी (SC)/ एसटी (ST) प्रवर्गातील आणि महिला उमेदवारांना 250 रुपये शुल्क भरावं लागेल.
हे वाचलं का?
