शेजारच्या महिलेसोबत पतीचं अफेअर... पत्नीला कल्पना सुद्धा नव्हती अन् अचानक पतीचं टोकाचं पाऊल!

शेजारी राहणाऱ्या महिलेसोबत अनैतिक संबंध... 

संबंधित प्रकरण हे गुमानपूरा पोलीस स्टेशन हद्दीतील असल्याची माहिती आहे. मिळालेल्या माहितीनुसार, पीडित तरुण मागील 10 वर्षांपासून त्याच्या पत्नी आणि चार मुलांसह राहत होता. दरम्यान, त्याचे शेजारी राहणाऱ्या महिलेसोबत अनैतिक संबंध सुरू झाले. या तरुणाचं नाव बीरमचंद असून त्याचं 10 वर्षांपूर्वी कोर्ट मॅरेज झालं होतं. लग्नानंतर, त्याला चार मुलं सुद्धा झाली. मृताच्या मेहुणीने दिलेल्या माहितीनुसार, तिचा दाजी गेल्या काही दिवसांपासून मानसिक तणावात होता. 

हे ही वाचा: आईशी वाद झाल्याने रात्री उशीरा घराबाहेर पडली, पण लिफ्ट देण्याच्या बहाण्याने कारमध्ये पीडितेवर लैंगिक अत्याचार...

सतत पैशांची मागणी करत ब्लॅकमेल 

कुटुंबियांच्या म्हणण्यानुसार, ज्या महिलेसोबत तरुणाचे प्रेमसंबंध होते, ती त्याला सतत पैशांसाठी ब्लॅकमेल करत होती. पोलिसांच्या माहितीनुसार, तरुणाने आत्महत्या करण्यापूर्वी एक व्हिडीओ सुद्धा बनवला होता. त्यामध्ये, तो त्याच्या प्रेयसीसोबत बोलताना दिसत आहे. नातेवाईकांनी या प्रकरणाबाबत सांगितलं की, शेजारची महिला ही तरुणाकडे सतत पैशांची मागणी आणि दबाव आणत असल्याचं व्हिडीओमधून समोर येत आहे. याव्यतिरिक्त, मृताच्या नातेवाईकांनी त्यांच्याकडे असलेले असे आणखी काही ऑडिओ आणि व्हिडीओ पोलिसांकडे सोपवले आहेत. 

हे ही वाचा: नवी मुंबई: सोशल मीडियावर ओळख, प्रेमाचं नाटक अन् 10 वीच्या विद्यार्थ्याला जाळ्यात ओढलं; भेटण्यासाठी बोलवून...

तसेच, मृताच्या पत्नीने याबद्दल सांगितलं की, तिला तिच्या पतीच्या विवाहबाह्य संबंधाबाबत काहीच माहिती नव्हती. ती म्हणाली की, "आमच्या कुटुंबात असे कोणतेच वाद नव्हते कारण, माझे पती काम करून कुटुंबियांचा उदरनिर्वाह करत होते." आता, मृताच्या कुटुंबियांनी या प्रकरणासंदर्भात निष्पक्ष चौकशीची मागणी केली. कुटुंबातील सदस्यांचे देखील जबाब नोंदवण्यात आले असून उपलब्ध ऑडिओ तसेच व्हिडिओ पुरावे तपासले जात आहेत. चौकशीनंतरच, आरोपीवर पुढील कारवाई केली जाणार असल्याचं पोलिसांनी सांगितलं.