'दोन महिन्यांनंतर सत्ता योग नाही', संजय राऊतांनी काढली एकनाथ शिंदेंची कुंडली

छत्रपती शिवाजी महाराजांबद्दल केलेल्या विधानांवरील वादावरून लक्ष विचलित करण्यासाठी बोम्मईंची स्क्रिप्ट, राऊतांचा गंभीर आरोप
Sanjay Raut and Eknath Shinde
Sanjay Raut and Eknath Shinde

राज्याच्या राजकारणात सध्या काही मुद्दे चर्चेच्या केंद्रस्थानी आलेत. राज्यपाल भगतसिंह कोश्यारी आणि भाजपचे प्रवक्ते सुधांशू त्रिवेदींनी छत्रपती शिवाजी महाराजांबद्दल वादग्रस्त विधानं केली. त्यात कर्नाटकाचे मुख्यमंत्री बसवराज बोम्मईंनी महाराष्ट्रातल्या 40 गावं ताब्यात घेण्याची भाषा केली. हे होत नाही, तोच मुख्यमंत्री एकनाथ शिंदेंनी भविष्य बघितल्याच्या घटना वादात सापडली. या सर्वच मुद्द्यांवरून खासदार संजय राऊतांनी टीकास्त्र डागलंय.

खासदार संजय राऊत यांनी माध्यमांशी संवाद साधला. यावेळी राऊत म्हणाले, "कर्नाटकचे मुख्यमंत्री बसवराज बोम्मई यांनी महाराष्ट्रावर हल्ला केलाय. मी याला युद्ध म्हणतो. दुसरीकडे भाजपच्या नेत्यांनी छत्रपतींचा अवमान सुरू केलाय. त्यावरच लक्ष विचलित करण्यासाठीच बोम्मईंना पुढे केलंय. लोकांनी छत्रपतींचा अपमान विसरावा यासाठीच हे चाललंय", असा दावा राऊतांनी केलाय.

सरकार दुबळं आहे, शिवसेना नाही; राऊतांचा इशारा

"युपी, गुजरात इथं का पाहायला मिळत नाही? हे सारं नियोजितपणे सुरूये. हे सगळं स्क्रिप्टेड आहे. राज्यापालांनी मराठी माणसाचा अपमान केला. गुजराती, मारवाडी मुद्यावरून तो मागे टाकायला मला अटक केली. तुम्ही कितीही करस्थानं केलीत तरी राज्याची जनता विसरणार नाही. महाराष्ट्राची एक इंच भूमीही जाऊ देणार नाही. सरकार दुबळंय, पण शिवसेना नाही. टाका तुरूंगात आम्ही भीत नाही", असा संजय राऊतांनी सरकारला दिलाय.

Sanjay Raut and Eknath Shinde
उद्धव ठाकरेही 'राज्यपाल हटाव'साठी मैदानात : भाजपमधील लोकांनाही सोबतही घेण्याची तयारी

दोन महिन्यानंतर शिंदेंचं मुख्यमंत्री पद जाणार?; राऊतांनी काय केलं राजकीय भाकित?

"राज्याचा या खोके सरकारवर विश्वास नाही. यांना खोके दिले की सारं विसरतात. उद्धव ठाकरेंनी याविरोधात आता रणशिंग फुंकलंय आणि हा लढा फार मोठ्या स्तरापर्यंत जाणार आहे. गुवाहाटीला जाऊदेत किंवा लंकेत... 40 आमदारांचे लोकांमधुन नामोनिशाण नाहीसे झाले आहे. दोन महिन्यांनंतर त्यांच्या कुंडलीत सत्ता योग नाही, मलाही कुंडली बघता येते", असं म्हणत संजय राऊतांनी दोन महिन्यांनंतर शिंदेंचं मुख्यमंत्रीपद जाईल असं राजकीय भाकित केलं.

Sanjay Raut and Eknath Shinde
मुख्यमंत्री एकनाथ शिंदे मिरगावला भविष्य पाहण्यासाठी गेले होते? अंनिसने नेमका काय घेतला आक्षेप?

"ज्यांना तंत्रमंत्र करायचेत, भविष्य पाहायचेत त्यांनी पाहून घ्या. यातून त्यांचा स्वत:वर विश्वास नाही, हे स्पष्ट होतं. मलाही भविष्य कळतं. पुढच्या दोन महिन्यांत त्यांच्या पत्रिकेत सत्ता योग नाही", असं विधान राऊतांनी केलंय.

Related Stories

No stories found.
Mumbai Tak
www.mumbaitak.in