काँग्रेस अध्यक्षपदाची निवडणूक शशी थरूर लढवू शकतात, सोनिया गांधी म्हणाल्या Its Your Call

Congress President Election : शशी थरूर यांना अध्यक्षपदाची निवडणूक लढवायची आहे?

शशी थरूर लढवणार काँग्रेस अध्यक्षपदाची निवडणूक?

समोर आलेल्या माहितीनुसार शशी थरूर हे काँग्रेस अध्यक्षपदाची निवडणूक लढवू शकतात. मात्र ही निवडणूक लढवायची आहे की नाही हा त्यांचा व्यक्तिगत निर्णय असणार आहे. मात्र याबाबत तुम्ही काय तो निर्णय घ्या असं सोनिया गांधी यांनी शशी थरूर यांना सांगितल्याचं कळतंय. आज तकने यासंदर्भातलं वृत्त दिलं आहे.

सोनिया गांधी यांचं काय म्हणणं आहे?

सोनिया गांधी यांची आणि शशी थरूर यांच्यात जी चर्चा झाली त्यात अध्यक्षपदाचा प्रश्न जेव्हा शशी थरूर यांनी विचारला तेव्हा तो निर्णय तुमचा तुम्ही घ्या असं सोनिया गांधी यांनी म्हटलं आहे. याचाच अर्थ आता काँग्रेसच्या अध्यक्षपदाची निवडणूक लढवण्यासाठी कुणीही स्वतंत्र आहे. गांधी परिवाराने यासाठी कोणताही उमेदवार दिलेला नाही. आज तकच्या सूत्रांनी दिलेल्या माहितीनुसार शशी थरूर हे काँग्रेस अध्यक्षपदाची निवडणूक लढवू शकतात.