Raut: ‘गायकवाड वेडा झालाय, हवं तर राज्यपालांना शिव्या दे…’, राऊतांची नवी खेळी
Sanjay Raut Vs Sanjay Gaikwad: मुंबई: शिवसेना (ठाकरे गट) नेते संजय राऊत (Sanjay Raut) यांनी शिंदे गटातील (Shinde Group) आमदारांना गद्दार म्हटल्यानंतर शिंदे गटाचे बुलढाण्याचे आमदार संजय गायकवाड (Sanjay Gaikwad) हे चवताळून उठले आणि त्यांनी संजय राऊतांना अश्लाघ्य भाषेत आईवरुन शिवीगाळ केली. त्यानंतर संजय राऊत हे गायकवाडांचा खरपूस समाचार घेतील असाच सगळ्यांचा अंदाज होता. मात्र, […]
ADVERTISEMENT
Sanjay Raut Vs Sanjay Gaikwad: मुंबई: शिवसेना (ठाकरे गट) नेते संजय राऊत (Sanjay Raut) यांनी शिंदे गटातील (Shinde Group) आमदारांना गद्दार म्हटल्यानंतर शिंदे गटाचे बुलढाण्याचे आमदार संजय गायकवाड (Sanjay Gaikwad) हे चवताळून उठले आणि त्यांनी संजय राऊतांना अश्लाघ्य भाषेत आईवरुन शिवीगाळ केली. त्यानंतर संजय राऊत हे गायकवाडांचा खरपूस समाचार घेतील असाच सगळ्यांचा अंदाज होता. मात्र, यावेळी संजय राऊतांनी एक वेगळीच खेळी करुन या संपूर्ण टीकेचा रोखच भाजपच्या (BJP) दिशेने बदलून टाकला आहे. (shinde group mla sanjay gaikwad curse sanjay raut gave a befitting reply)
संजय गायकवाडांनी राऊतांना शिवीगाळ केल्यानंतर एका पत्रकार परिषदेत राऊतांना याबाबत त्यांची जेव्हा प्रतिक्रिया विचारण्यात आली तेव्हा राऊत म्हणाले की, ‘संजय गायकवाड वेडा झालाय… त्याने मला शिव्या देण्याऐवजी शिवाजी महाराजांचा अपमान करणाऱ्या राज्यपाल, मंत्री आणि प्रवक्त्यांना शिव्या द्यावा. तसं केलं तर आम्ही त्यांच्यावर फुलू उधळू.’ असं म्हणत राऊतांनी आता या सगळ्या टीका-टिप्पणीचा रोख भाजपच्या दिशेने बदलला आहे.
पाहा संजय राऊत शिर्डीतील पत्रकार परिषदेत नेमकं काय म्हणाले:
‘जर हे गद्दार आमच्यासारख्या निष्ठावंतांना शिव्या देत असतील तर हा आमच्या निष्ठेचा विजय आहे. दुसरं असं आहे की, त्यांना शिव्या द्यायची एवढी हौस असेल तर महाराष्ट्रामध्ये अशी अनेक प्रकरणं घडतात की, त्यांनी रस्त्यावर येऊन शिव्या दिल्या पाहिजेत. छत्रपती शिवाजी महाराजांचा अपमान सुरु असताना यांनी किती लोकांना शिव्या दिल्या? द्या ना शिव्या.. शिवरायांचा अपमान सुरु आहे. इतकी संधी तुम्हाला मिळाली आहे. तुम्ही शिव्या द्या राजभवनाच्या बाहेर उभं राहून. देताय का?’
Shiv sena: ‘संजय राऊत शेपूट का घालताय?’ रामदास कदमांची जहरी टीका
हे वाचलं का?
