"वडिलांना फक्त 60 हजार पगार, मग अभिजीत शिक्षणासाठी अमेरिकेत कसा गेला?"
Abhijeet Dipke assets complaint rti activist amit tiwari : कॉक्रोच जनता पार्टीचे संस्थापक अभिजीत दीपके आणि त्यांच्या कुटुंबाच्या संपत्तीबाबत आरटीआय कार्यकर्ते अमित तिवारी यांनी विविध सरकारी यंत्रणांकडे तक्रार दाखल केली आहे. दीपके यांच्या उत्पन्नाचे स्रोत, पक्षाची नोंदणी आणि निधीबाबत चौकशी करण्याची मागणी करण्यात आली आहे.
ADVERTISEMENT
Abhijeet Dipke assets complaint rti activist amit tiwari : कॉक्रोच जनता पार्टीचे संस्थापक अभिजीत दीपके आणि त्यांच्या कुटुंबियांच्या संपत्तीबाबत गंभीर प्रश्न उपस्थित करत गुजरातमधील सूरत येथील आरटीआय कार्यकर्ते अमित तिवारी यांनी विविध सरकारी यंत्रणांकडे तक्रार दाखल केली आहे. तिवारी यांनी माध्यमांशी संवाद साधताना दीपके यांच्या कुटुंबाच्या उत्पन्नाच्या स्रोतांबाबत संशय व्यक्त केला. तसेच निवडणूक आयोग, महाराष्ट्र सरकार आणि संबंधित केंद्रीय यंत्रणांकडे याबाबत आक्षेप नोंदविल्याचे त्यांनी सांगितले. दीपके यांच्या कुटुंबाच्या उत्पन्नाची आणि मालमत्तेची सखोल चौकशी करण्याची मागणी त्यांनी केली आहे.
हेही वाचा : Gen Z सह सर्वांनी ऐकावं असं IAS तुकाराम मुंढेंचं खणखणीत भाषण!
अमेरिकेतील शिक्षणासाठी वर्षाकाठी लाखो रुपयांचा खर्च कुठून झाला?
अमित तिवारी यांनी सांगितले की, अभिजीत दीपके यांचे वडील शंकर भगवान दीपके हे महाराष्ट्र औद्योगिक विकास महामंडळात (एमआयडीसी) कनिष्ठ अभियंता म्हणून कार्यरत होते. त्यांच्या पगाराच्या तुलनेत मुलांना अमेरिकेत शिक्षण देण्यासाठी झालेला कथित खर्च संशयास्पद असल्याचा दावा त्यांनी केला. त्यांच्या मते, जर मासिक पगार सुमारे 60 ते 65 हजार रुपये असेल, तर अमेरिकेतील शिक्षणासाठी वर्षाकाठी लाखो रुपयांचा खर्च कसा करण्यात आला, याची चौकशी होणे आवश्यक आहे. उत्पन्नापेक्षा अधिक संपत्ती असल्याचे आढळल्यास संबंधितांवर कठोर कारवाई करण्याची मागणी त्यांनी महाराष्ट्र सरकारकडे केली असल्याचेही त्यांनी स्पष्ट केले.
हेही वाचा : राहुल गांधींनी ‘Gen Z’ साठी केलेलं K-Pop स्टाइल आहे तरी काय? Friendship Day निमित्त खास शुभेच्छा!