दिव्यांग पती नात्यात अडथळा

पोलिसांनी दिलेल्या माहितीनुसार, वैज्ञानिक तपास, तांत्रिक पुरावे आणि कसून केलेल्या चौकशीनंतर या प्रकरणाला पूर्णपणे वेगळे वळण मिळाले. मृत राजदेव भारती यांच्या पत्नीचे राजा आलम नावाच्या व्यक्तीसोबत अनैतिक संबंध होते. या नात्यात पती अडथळा ठरत असल्याने पत्नीनेच आपल्या प्रियकराला पतीच्या हत्येसाठी प्रवृत्त केले. यानंतर राजा आलमने आपल्या सहकाऱ्यांच्या मदतीने राजदेव यांची गळा आवळून हत्या केली आणि हा प्रकार लपवण्याचा प्रयत्न केला.

हे ही वाचा : आम आदमी पार्टी का सोडली? आता राजकारणात जायचं की नाही? अभिजीत दिपकेंनी सगळंच सांगितलं

चारजण ताब्यात

तांत्रिक पुरावे आणि घटनास्थळावरून गोळा केलेल्या माहितीच्या आधारे पोलिसांनी या कटाचा पर्दाफाश केला आहे. या प्रकरणात पोलिसांनी मृत राजदेव यांच्या पत्नीसह राजा आलम, रोहित कुमार आणि मोहम्मद मुन्ना या चार जणांना ताब्यात घेतले आहे. पोलीस सध्या या चौघांची कसून चौकशी करत असून या हत्येच्या कटात आणखी कोणाचा सहभाग होता का, याचा शोध घेतला जात आहे.

हे ही वाचा : डिलिव्हरी पार्टनरचा महिलेकडे घरात येऊ देण्याचा हट्ट! पुढे सगळं अंगलट आलं अन्...

बेकायदेशीर दारुचा व्यवसाय

या प्रकरणाला एक वेगळी बाजूही समोर आली आहे. पोलिसांच्या माहितीनुसार, मृत राजदेव यांची पत्नी कथितपणे बेकायदेशीर दारूच्या व्यवसायातही सहभागी होती आणि तिच्यावर इमामगंज पोलीस ठाण्यात आधीपासूनच एक गुन्हा दाखल आहे. या हत्येचा त्या बेकायदेशीर व्यवसायाशी काही संबंध आहे का, याचाही पोलीस तपास करत आहेत. तसेच या हत्याकांडाशी संबंधित इतर फरार आरोपींचा शोध घेण्यासाठी पोलिसांकडून विविध ठिकाणी छापे मारले जात आहेत.