मुंबईतील ठाकरे बंधूंच्या सभेआधी उद्धव ठाकरेंची मुंबई Tak वर Super Exclusive महामुलाखत
Uddhav Thackeray Super Exclusive Interview: शिवसेना UBT पक्षप्रमुख उद्धव ठाकरे यांनी मुंबईतील शिवाजी पार्कवरील संयुक्त सभेआधी मुंबई Tak ला Super Exclusive मुलाखत दिली आहे. जी तुम्हाला लवकरच मुंबई Tak च्या यूट्यूबवर पाहता येईल.
ADVERTISEMENT
मुंबई: मुंबईत ठाकरेंचं काय होणार? याकडे सध्या अवघ्या महाराष्ट्राचं लक्ष लागून राहिलं आहे. ज्या शिवाजी पार्कवरून ठाकरे ब्रँडची सुरुवात झाली त्याच शिवाजी पार्कवर उद्या (11 जानेवारी) ठाकरे बंधूंची ऐतिहासिक सभा होणार आहे. कारण पहिल्यांदाच दोन ठाकरे बंधू हे मुंबईतील शिवाजी पार्कवर एकत्र जाहीर सभा घेणार आहेत. पण त्याधी शिवसेना पक्षप्रमुख यांची अत्यंत स्फोटक आणि रोखठोक अशी मुलाखत आपल्याला मुंबई Tak वर पाहता येणार आहे. मुंबई Tak चे संपादक साहिल जोशी यांनी उद्धव ठाकरेंची ही एक्स्क्लुझिव्ह मुलाखत घेतली आहे.
राज ठाकरेंसोबतची युती आणि ठाकरे ब्रँडचं मुंबईतील अस्तित्व या सगळ्याबाबत उद्धव ठाकरेंनी अत्यंत रोखठोक अशी मुलाखत मुंबई Tak ला दिली आहे. ही लढाई ठाकरेंच्या अस्तित्वाची आहे की, मराठी माणसाच्या अस्तित्वाची याबाबत देखील उद्धव ठाकरेंनी त्यांचं मत व्यक्त केलं आहे.
महाराष्ट्र विधानसभा निवडणुकीत शिवसेना UBT आणि मनसे या पक्षांच्या पदरात मोठं अपयश आलं. त्यामुळे ज्या मुंबईतून ठाकरेंचा उदय झाला त्याच मुंबईची सत्ता आता टिकविण्याचं मोठं आव्हान हे उद्धव ठाकरेंसमोर आहे. एकीकडे भाजपसारखा राष्ट्रीय पक्ष समोर असताना हे आव्हान अधिक कठीण होऊन बसलं आहे. कारण त्याचवेळी दुसरीकडे शिंदेंच्या शिवसेनेला देखील ठाकरेंना तोंड द्यावं लागत आहे. यामुळे मराठी मतदारात फूट पडण्याची मोठी शक्यता आहे. याच मुद्द्यावर देखील उद्धव ठाकरेंनी नेमकं भाष्य केलं आहे.
आतापर्यंत जवळजवळ 25 वर्ष मुंबईकरांनी शिवसेनेला मुंबईची सत्ता दिली होती. मात्र, यंदाच्या निवडणुकीत मुंबई महापालिका निवडणुकीत विजय मिळवून सत्ता टिकविण्याचं अत्यंत कठीण आव्हान हे उद्धव ठाकरेंसमोर आहे. त्यामुळे यंदा मुंबईकर नेमकं काय करतात याकडे सगळ्यांचं लक्ष लागून राहिलं आहे.
हे वाचलं का?
