Manikrao Kokate: सर्वात मोठी बातमी... CM फडणवीसांनी केली माणिकराव कोकाटेंची मंत्रिमंडळातून हकालपट्टी, पण...
मंत्री माणिकराव कोकाटे यांची शिक्षा कोर्टाने कायम ठेवल्यानंतर आता मुख्यमंत्री देवेंद्र फडणवीस यांनी त्यांच्यावर मोठी कारवाई केली आहे.
ADVERTISEMENT
मुंबई: राष्ट्रवादी काँग्रेस (अजित पवार) पक्षाचे मंत्री माणिकराव कोकाटे यांच्यावर मुख्यमंत्री देवेंद्र फडणवीस यांनी मोठी कारवाई केली आहे. नाशिक सदनिका घोटाळा प्रकरणी कोर्टाने माणिकराव कोकाटे यांना सुनावलेली शिक्षा कायम ठेवल्यानंतर त्यांच्या मंत्रिपदाच्या राजीनाम्याची जोरदार मागणी विरोधकांकडून केली जात होती. मात्र, माणिकराव कोकाटे यांनी शेवटच्या क्षणापर्यंत राजीनामा न दिल्याने आता खुद्द मुख्यमंत्र्यांनी त्यांच्यावर मोठी कारवाई केली आहे.
नुकत्याच मिळालेल्या माहितीनुसार, मुख्यमंत्री देवेंद्र फडणवीस यांनी केलेल्या शिफारसनसीनुसार, महाराष्ट्राचे राज्यपाल आचार्य देवव्रत यांनी माणिकराव कोकाटे यांच्याकडे असणारी सर्व खाती काढून घेतली आहेत. कोकाटे यांच्याकडे क्रीडा आणि युवक कल्याण हे कॅबिनेट खातं होतं. जे आता उपमुख्यमंत्री अजित पवार यांच्याकडे सोपावण्यात आलं आहे.
याचाच अर्थ माणिकराव कोकाटे यांनी मंत्रिपदाचा राजीनामा दिला नसल्याने मुख्यमंत्री फडणवीसांनी कोकाटेंकडील खाती काढून त्यांना बिनखात्याचं मंत्री ठेवलं आहे. त्यामुळे आता कोकाटे मंत्रिपदाचा राजीनामा केव्हा देणार हे पाहणं महत्त्वाचं ठरणार आहे.
'कोकाटेंकडील खाती काढून घ्या' मुख्यमंत्री फडणवीसांनी राज्यपालांना केलेली शिफारस
माणिकराव कोकाटे हे मंत्रिपदाचा राजीनामा देत नसल्याने स्वत: मुख्यमंत्री देवेंद्र फडणवीस यांनी राज्यपालांना अशी शिफारस केली की, कोकाटे यांच्याकडील खाती काढून ती उपमुख्यमंत्री अजित पवार यांच्याकडे सोपविण्यात यावीत. मुख्यमंत्र्यांनी केलेली ही शिफारस राज्यपाल आचार्य देवव्रत यांनी स्वीकारली असून त्यासंबंधीचं पत्र त्यांनी काही वेळापूर्वीच मुख्यमंत्र्यांना पाठवलं आहे. वाचा ते पत्र जसंच्या तसं..
हे वाचलं का?
