भाजपला जमलं नाही, ते कॉकरोच जनता पार्टीने करुन दाखवलं! काय घडलं?

मराठी तरुणाने सुरु केली कॉकरोच जनता पार्टी 

या पेजची सुरुवात ३0 वर्षीय अभिजीत दीपके या तरुणाने केली आहे. मूळचा महाराष्ट्रातील  छत्रपती संभाजीनगर (औरंगाबाद) येथील रहिवासी असलेला अभिजीत दीपके हा एक प्रोफेशनल पॉलिटिकल कम्युनिकेशन स्ट्रेटेजिस्ट आहे. अभिजीतने पुणे येथून पत्रकारितेमध्ये (जर्नलिज्म) आपले ग्रॅज्युएशन पूर्ण केले असून, त्यानंतर उच्च शिक्षणासाठी तो अमेरिकेला गेला होता. त्याने अमेरिकेच्या प्रतिष्ठित बॉस्टन युनिव्हर्सिटीमधून 'पब्लिक रिलेशंस' (PR) मध्ये मास्टर ऑफ सायन्स (MS) ची पदवी नुकतीच पूर्ण केली आहे.

अभिजीत दीपके याला राजकीय संदेश सोशल मीडियावर व्हायरल करण्याचा खूप जुना आणि दांडगा अनुभव आहे. वर्ष 2020 ते 2022 दरम्यान तो आम आदमी पार्टीच्या (AAP) सोशल मीडिया टीमचा एक प्रमुख कार्यकर्ता म्हणून कार्यरत होता. 2020 च्या दिल्ली विधानसभा निवडणुकीदरम्यान 'आप'च्या बाजूने सोशल मीडियावर जो मीम्सचा महापूर आला था, त्यामागे अभिजीतचेच टॅलेंट असल्याचे मानले जाते. याशिवाय त्याने दिल्लीच्या शिक्षण विभागाचा कम्युनिकेशन्स ॲडव्हायझर म्हणूनही काम केले आहे. 

मीडिया रिपोर्ट्सनुसार, या संपूर्ण 'कॉकरोच जनता पार्टी'च्या आंदोलनाची सुरुवात सर्वोच्च न्यायालयाचे सरन्यायाधीश सूर्यकांत यांच्या एका टिपण्णीमुळे झाली . 15 मे 2026 रोजी  'सिनिअर अॅडव्होकेट' म्हणून मान्यता मिळण्यासंबंधीच्या वकिलाच्या एका याचिकेसंदर्भात बोलताना न्यायमूर्तींकडून ही टिप्पणी करण्यात आली होती.  संबंधित एका प्रकरणाच्या सुनावणी दरम्यान चीफ जस्टिस सूर्यकांत यांनी कथितरित्या टिप्पणी केली होती की,"काही बेरोजगार लोक कॉकरोचप्रमाणे लॉ, मीडिया आणि आरटीआय ॲक्टिव्हिझमसारख्या प्रणालीमध्ये घुसतात आणि व्यवस्थेवर हल्ला करतात."