बारामतीत विमानाचा भीषण अपघात, उपमुख्यमंत्री अजित पवारांचा मृत्यू

Deputy Chief Minister Ajit Pawar injured in plane crash : उपमुख्यमंत्री अजित पवार यांच्या विमानाला लँडिंगदरम्यान अपघात झाल्याची माहिती मिळत आहे. या दुर्घटनेत उपमुख्यमंत्री अजित पवार यांचा मृत्यू झाल्याची बातमी समोर आली आहे. आज (दि.28) बारामतीत प्रचारसभा आयोजित करण्यात आली होती. जिल्हा परिषद निवडणुकांच्या पार्श्वभूमीवर ते मुंबईहून बारामतीकडे रवाना झाले होते. मात्र, बारामती विमानतळावर उतरत असतानाच हे विमान अपघातग्रस्त झाल्याचे सांगितले जात आहे. नियंत्रण सुटल्याने हे विमान विमानतळाच्या परिसरातील एका शेतात कोसळले. अपघातानंतर घटनास्थळी धुराचे मोठे लोट उठताना दिसून आले, त्यामुळे परिसरात एकच गोंधळ उडाला.