वरळीतील रहिवासी असलेल्या क्रू मेंबर श्रीमती पिंकी माळी यांचं विमान अपघातात निधन
बारामतीत लँडिंगच्या वेळी झालेल्या भीषण विमान अपघातात अजित पवार यांचा मृत्यू झाल्याची बातमी समोर आली असून मृतांमध्ये 2 क्रू आणि 2 कर्माचाऱ्यांचा समावेश असल्याचं सांगितलं जात आहे.
ADVERTISEMENT
बातम्या हायलाइट
बारामतीत लँडिंगवेळी प्लेन क्रॅश...
उपमुख्यमंत्री अजित पवारांसह काही जण जखमी
अजित पवार यांची आज (दि.28) बारामतीत प्रचारसभा आयोजित करण्यात आली होती. जिल्हा परिषद निवडणुकांच्या पार्श्वभूमीवर ते मुंबईहून बारामतीकडे रवाना झाले होते. मात्र, बारामती विमानतळावर उतरत असतानाच हे विमान अपघातग्रस्त झाल्याचे सांगितले जात आहे. नियंत्रण सुटल्याने हे विमान विमानतळाच्या परिसरातील एका शेतात कोसळले. अपघातानंतर घटनास्थळी धुराचे मोठे लोट उठताना दिसून आले, त्यामुळे परिसरात एकच गोंधळ उडाला. पाहा, या भीषण घटनेचे लाईव्ह अपडेट्स...
- मनोज जरांगे पाटलांनी आपली प्रतिक्रिया व्यक्त करत म्हटलं आहे की, "आपल्या दादाची दुःखद बातमी कळाली, मनाला पटत नाही... विश्वास बसायला तयार नाही की दादाचं अपघाती निधन झालं. असा नेता होणे नाही..."
- मराठा आंदोलक मनोज जरांगे पाटील थोड्याच वेळात बारामतीला रवाना होणार...
- भाजपा नेते रावसाहेब दानवे यांची प्रतिक्रिया, "अजित पवार यांचं विमान अपघातात निधन झाल्याची बातमी ऐकल्यावर धक्का बसला, अशी प्रतिक्रिया भाजपा नेते रावसाहेब दानवे यांनी दिलीय. विकासाचं ध्यास असणारं नेतृत्व आज आमच्यातून गेलेलो आहे, अशी भावना दानवे यांनी व्यक्त केली आहे. आज महाराष्ट्राचं मोठं नुकसान झालं असून महाराष्ट्राला अजितदादांची कायम आठवण राहील, अशी भावना व्यक्त करत दानवे यांनी त्यांच्या आठवणींना उजाळा दिला आहे."
हे वाचलं का?
