‘4 वर्षात 2 डझन आमदार झाले, पण मी पात्र नाही…’, पंकजा मुंडे आता खेळणार मोठा डाव
Politics in Maharashtra: कोणतंही महत्त्वाचं पद न मिळाल्याने नाराज असलेल्या पंकजा मुंडेंनी आपली नाराजी स्पष्टपणे जाहीर केली. याचबाबत त्या अमित शाह यांना भेटणार आहेत. त्या बीडमध्ये बोलत होत्या.
ADVERTISEMENT
Maharashtra Politics: बीड: भाजप (BJP) नेत्या पंकजा मुंडे (Pankaja Munde) यांच्या मनातील खदखद आज (3 जून) पुन्हा एकदा जाहीरपणे समोर आली आहे. ‘गेल्या चार वर्षात दोन डझन आमदार-खासदार झाले. गेल्या चार वर्षात त्यामध्ये मी पात्र बसत नसेल तर लोकं चर्चा करणारच… त्यामुळे मी आता अमित शाहांना (Amit Shah) भेटणार आहे.’ असं म्हणत पंकजा मुंडेंनी आपण यापुढेही आक्रमक पद्धतीनेच राजकारण करणार असल्याचं स्पष्टपणे सांगितलं आहे. गोपीनाथ मुंडे (Gopinath Munde) यांच्या पुण्यतिथीनिमित्त बीडमध्ये (Beed) आयोजित कार्यक्रमात त्या बोलत होत्या. (gopinath munde death anniversary pankaja munde bjp mla mp amit shah devendra fadnavis beed)
यावेळी पंकजा मुंडेंनी स्पष्टपणे म्हटलं की, ‘मी अमित शाह यांना भेटून विचारणा करणार आहेत की, माझ्यासाठी तुमच्या मनात काय आहे? याची स्पष्टता मला द्या.’ याचाच अर्थ पंकजा मुंडे यांनी पुन्हा एकदा त्यांचे पक्षातील विरोधक समजले जाणारे देवेंद्र फडणवीस यांना इशारा दिला आहे. तसंच महाराष्ट्राच्या राजकारणात नव्याने राजकीय डावपेचाला या निमित्ताने सुरुवात होईल हेही निश्चित.
‘चार वर्षात दोन डझन आमदार-खासदार झाले, मी अमित शाहांना भेटणार’
‘मी काहीही बोलले की, मीडियात नंतर पोस्टमार्टम… पण मी त्यांना दोष देत नाहीए. दोष त्यांचा नाही.. परिस्थिती जी झालीए त्याचा दोष आहे. कारण गेल्या पाच वर्षात ज्या राजकीय भूमिका प्रत्येक पक्षाने घेतल्या आहेत… माझ्या पक्षासकट त्यामुळे प्रत्येक वाक्य हे कुणाला ना कुणाला लागू पडतंय.’
‘भूमिका या समाजहिताच्या घ्यायच्या असतात.. कोणाला आवडेल त्या भूमिका घेणाऱ्या व्यक्ती एखाद्या वेळी आमदारकी, खासदारकी, राज्यमंत्री आणि मंत्रिपद मिळवू शकतो. पण तो नेता होऊ शकत नाही. मला हे मिळालयं का..? मला तर परळीतून पराभव स्वीकारायला लावला..’
हे वाचलं का?
