CM Eknath Shinde:’…तसा आदेश कसा दिला जाऊ शकतो’; मुख्यमंत्र्यांनी विरोधकांना सुनावलं

संबंधितांची उच्चस्तरिय बैठक

एकनाथ शिंदे यांनी यावेळी सांगितले की, आंदोलनावर लाठीहल्ला झाल्यानंतर संबंधितांची उच्चस्तरिय बैठक घेण्यात आली. त्यानंतर मनोज जरांगे-पाटील यांची वैयक्तिक भेट घेऊन त्यांना शब्दही दिला होता. त्यामुळे तुमच्या मागणीवर गांभीर्याने विचार करतो आहे असंही एकनाथ शिंदे यांनी पत्रकार परिषदेत स्पष्ट केले.

हे ही वाचा>>

कायदा सुव्यवस्था अबाधित

महाराष्ट्रात याआधी 58 मोर्चे निघाले आहेत.मात्र यावेळी कोणतीही कायदा सुव्यवस्था बिघडली नाही तर ती अबाधित राहिली. मात्र यावेळी आंदोलनाच्या आडून राज्याचं वातावरण व शांतता बिघडवण्याचं काम विरोधकांकडून केले जात असल्याची टीकाही त्यांनी केली.
संबंधितांची उच्चस्तरिय बैठक

आंदोलनाच्या आडून शांतता बिघडवली

अंतरवाली सराटीतील मराठा मोर्चाच्या आंदोलनानंतर राज्यातील परिस्थिती बिघडवण्याचं काम विरोधकांनी केले आहे. मनोज जरांगे-पाटील यांच्याबरोबर चर्चा करुन मराठा आंदोलनाचा विषय सोडवण्याचा प्रयत्न केला होता. मात्र विरोधकांनी हे आंदोलन पेटवण्याचं काम केले आहे. आंदोलनाच्या आडून शांतता बिघडवण्याचं काम राज्यातील विरोधकांनी केली असल्याची टीकाही त्यांनी यावेळी केली आहे.

तुम्ही निर्णय का घेतला नाही

मराठा आंदोलनावर लाठीचार्ज केल्यानंतर काँग्रेस, ठाकरे गट आणि राष्ट्रवादीच्या गटाकडून टीका केली जात आहे. मात्र महाविकास आघाडीचे सरकार असताना उमसमितीचे अध्यक्ष अशोक चव्हाण होते. त्यावेळी तुम्ही तो निर्णय का घेतला नाही, असा सवालही त्यांनी उपस्थित केला आहे.

हे ही वाचा>>

सरकार प्रामाणिक

मराठा समाजाने आरक्षणासाठी आंदोलन केले आहे. त्यानंतर सरकारनेही वेळोवेळी त्यांच्याबरोबर चर्चा करुन त्यावर मार्ग काढण्यासाठी सरकार प्रामाणिकपणे प्रयत्न करत आहे. मात्र विरोधकांनी आंदोलनाचा आधार घेऊन राज्यातील शांतता बिघडवण्याचे काम केले आहे असा आरोप त्यांनी विरोधकांवर केला आहे.

आरक्षण मिळाले पाहिजे

मुख्यमंत्री एकनाथ शिंदे यांनी आजच्या पत्रकार परिषदेत सरकारची भूमिका स्पष्ट करताना म्हणाले की, मराठा समाजाला आरक्षण हे मिळालेच पाहिजे यासाठी सरकारही प्रयत्नशील आहे. त्यासाठी योग्य ती पाऊल उचलून मराठा समाजाला आरक्षण देण्यासाठी आम्ही प्रयत्न करुन मराठा समाजाला आरक्षण मिळवून देणार असं अश्वासनही त्यांनी यावेळी दिले.

सरकार हात आखडता घेणार नाही

मराठा समाजाला आरक्षण देण्यासाठी त्या त्या संबंधितांची समित्या नेमल्या आहेत. त्याचबरोबर मराठा आरक्षणावरून विरोधकांनी वाद घातले गेले. तरीही सरकार मराठा समाजाला आरक्षण देण्यासाठी अजिबात सरकार हात आखडता घेणार नाही असंही त्यांनी यावेळी सांगितले.