'समाज म्हणून विचार करण्याची आवश्यकता' 

अग्रवाल हत्या प्रकरणी बोलताना फडणवीस म्हणाले की, 'अतिशय धक्कादायक अशा प्रकारची घटना आहे. अनाकलनीय अशा प्रकारची ही घटना आहे. खरं तर समाज म्हणून कुठेतरी आपल्याला विचार करण्याची आवश्यकता आहे की, शिकल्या-सवरलेल्या चांगल्या घरच्या मुला-मुलींमध्ये अशा प्रकारची दुर्बुद्धी आणि अशाप्रकारची सूडबुद्धी ही नेमकी का तयार होतेय, याच्या पाठीमागची कारणं काय आहेत?' 

हे ही वाचा : जैन समाजाकडून राज ठाकरेंना लेखी माफीनामा, शिवतीर्थवर काय घडलं?

'सूडबुद्धी तयार होऊ नये'

मुला-मुलींमध्ये तयार होणाऱ्या सूडबुद्धीविषयी बोलताना ते म्हणाले की, 'मला असं वाटतं की याला केवळ गुन्हेगारीचा अँगल नाही, तर एक सामाजिक अँगल देखील आपल्याला त्याच्यामध्ये बघावा लागेल. आणि समाजाची पण एक स्ट्राँग व्यवस्था उभी करावी लागेल, की अशा पद्धतीची सूडबुद्धी या इतक्या तरुण वयातल्या मुला-मुलींमध्ये तयार होऊ नये. पण एकूणच ही घटना अत्यंत धक्कादायक आहे.'

हे ही वाचा : “धाराशिव लोकसभा मतदारसंघात 4.5 लाख मुस्लिम मतदार", अर्चना पाटील नेमकं काय म्हणाल्या?

'सियाला लोहगडावरुन ढकलून द्या'

दरम्यान, केतन अग्रवाल हत्या प्रकरणातील मुख्य आरोपी सिया गोयल हिच्या आई-वडिलांनी माध्यमांशी संवाद साधला आहे. जर सिया दोषी असेल तर तिलाही लोहगडावरुन ढकलून द्या अशी प्रतिक्रिया त्यांनी दिली. यामुळे या प्रकरणाला एक वेगळे वळण मिळाले असून पोलीस या सर्व बाजूंची सखोल तपासणी करत आहेत.