देवेंद्र फडणवीसांवर महात्मा गांधींचे पणतू तुषार गांधी संतापले, म्हणाले, ‘तुमचे हात…’
गृहमंत्री देवेंद्र फडणवीस यांनी महात्मा गांधींचा अपमान सहन केला जाणार नाही आणि संबंधितांवर योग्य कारवाई करू असे आश्वासन दिले होते. यावर उपमुख्यमंत्र्यांचे (देवेंद्र फडणवीस ) हात कुणी बांधुन ठेवले आहेत, असा सवाल महात्मा गांधी यांचे पणतू तुषार गांधी नाव न घेता विचारला आहे.
ADVERTISEMENT
शिवप्रतिष्ठान संघटनेचे संस्थापक संभाजी भिडे यांनी राष्ट्रपिता महात्मा गांधी यांच्याबद्दल वादग्रस्त विधान केले होते. या विधानाचे पडसाद विधानसभेतही उमटले होते. या प्रकरणावर राज्याचे गृहमंत्री देवेंद्र फडणवीस यांनी महात्मा गांधींचा अपमान सहन केला जाणार नाही आणि संबंधितांवर योग्य कारवाई करू असे आश्वासन दिले होते. यावर उपमुख्यमंत्र्यांचे (देवेंद्र फडणवीस ) हात कुणी बांधुन ठेवले आहेत, असा सवाल महात्मा गांधी यांचे पणतू तुषार गांधी यांनी नाव न घेता विचारला आहे.( mahatma gandhi great grandson tushar gandhi file complaint against sambhaji bhide deccan police)
आज सकाळी महात्मा गांधी यांचे पणतू तुषार गांधी यांनी ट्विट करून संभाजी भिंडेंविरोधात तक्रार दाखल करण्याची माहिती दिली होती. त्यानुसार आज दुपारी 12 च्या दरम्यान तुषार गांधी यांनी पुण्यातील डेक्कन पोलीस ठाण्यात संभाजी भिडेंविरोधात तक्रार दाखल केली. या सर्व प्रकरणाची कायदेशीर प्रक्रिया अॅड असीम सरोदे पाहणार आहेत,अशी माहिती दिली.
हे ही वाचा : Amol Kolhe: ‘सरकारचं डोकं ठिकाणावर आहे का?’, अमोल कोल्हेंनी लोकसभा दणाणून सोडली!
भिडेंविरोधात पोलीस ठाण्यात तक्रार दाखल केल्यानंतर तुषार गांधी यांनी प्रसिद्धी माध्यमांना प्रतिक्रिया दिली होती. या प्रतिक्रियेत गांधी म्हणाले की, उपमुख्यमंत्री देवेंद्र फडणवीस विधानसभेत म्हणाले होते की,महात्मा गांधींचा अपमान सहन केला जाणार नाही, आम्ही योग्य कारवाई करू, कठोर पाऊलं उचलू, मग आता उपमुख्यमंत्र्यांचे (देवेंद्र फडणवीस ) याचे हात कुणी बांधुन ठेवले आहेत,असा सवाल तुषार गांधी यांनी केला आहे.
संभाजी भिडे यांनी गांधी परीवारावर जी टीका केली आहे, त्यामुळे मला दुख झाले आहे. मला हा सर्व प्रकार कळताच मी पोलिस ठाण्यात येऊन तक्रार दाखल करण्याचा निर्णय घेतला. संभाजी भिडे त्याच्या संस्था आणि कार्यक्रमाच्या आयोजकांवर ही तक्रार नोंदवली असल्याची माहिती तुषार गांधी यांनी दिली.
हे वाचलं का?
