सरपंच मंगेश साबळेंना तडीपार करण्याची नोटीस पोलिसांनी का जारी केली?
mangesh sable : मराठा आरक्षणाच्या आंदोलनामुळे चर्चेत आलेले मंगेश साबळे यांना पोलिसांनी दोन वर्षांसाठी तडीपारीची नोटीस बजावली आहे. खंडणी, गुंडगिरी आणि शासकीय कामात अडथळा आणल्याच्या आरोपांवरून ही कारवाई करण्यात येत असल्याचे पोलिसांनी म्हटले आहे.
ADVERTISEMENT
बातम्या हायलाइट
मंगेश साबळेंना तडीपार करण्याची नोटीस पोलिसांनी का जारी केली?
Mangesh Sable तडीपार होणार? पोलिसांनी नोटीस का बजावली?
mangesh sable : मराठा आरक्षणाच्या आंदोलनामुळे चर्चेत आलेले गेवराई पायगा गावचे सरपंच मंगेश साबळे यांच्या अडचणी वाढण्याची शक्यता आहे. छत्रपती संभाजीनगर जिल्ह्यातील फुलंब्री तालुक्यातील गेवराई पायगा गावचे सरपंच असलेल्या मंगेश साबळे यांना पोलिसांनी दोन वर्षांसाठी तडीपारीची नोटीस बजावली आहे. त्यांच्यावर खंडणी, गुंडगिरी आणि शासकीय कामात अडथळा आणल्याच्या आरोपांशी संबंधित गंभीर स्वरूपाचे गुन्हे दाखल असल्याचे पोलिसांचे म्हणणे आहे. सिटी चौक, क्रांती चौक, जवाहरनगर आणि फुलंब्री या पोलीस ठाण्यांमध्ये त्यांच्याविरोधात आठ गंभीर स्वरूपाचे गुन्हे नोंद असल्याचे सांगण्यात आले आहे.
हेही वाचा : 'आधी भांडी घासते, मग पाय दाबते...' नवऱ्याने बायकोला जिवंत जाळले, 11 वर्षानंतर काय घडलं?
मंगेश साबळेंचे पैसे उधळल्याचे आंदोलनही चर्चेत आले
मंगेश साबळे हे सोशल मीडियावरही सक्रिय असून, विविध आंदोलनांमधून ते चर्चेत राहिले आहेत. बेकायदेशीर जमाव जमवणे, शासकीय कार्यालयांमध्ये अधिकाऱ्यांना वेठीस धरणे आणि शासकीय कामात अडथळा आणणे, असे आरोप त्यांच्यावर करण्यात आले आहेत. यापूर्वी त्यांनी तहसील कार्यालयात पैशांची माळ घेऊन जाऊन पैसे उधळल्याचे आंदोलनही चर्चेत आले होते. पोलिसांनी 8 ऑगस्ट रोजी त्यांना तडीपारीची नोटीस बजावली होती. स्वतःची बाजू मांडण्यासाठी त्यांना मुदत देण्यात आली होती. मात्र, मुदत संपल्यानंतरही त्यांनी पोलिसांना कायदेशीर खुलासा केलेला नसल्याचे पोलिसांचे म्हणणे आहे.
हेही वाचा : 'आधी भांडी घासते, मग पाय दाबते...' नवऱ्याने बायकोला जिवंत जाळले, 11 वर्षानंतर काय घडलं?