Monsoon Update : मान्सून आला रे.... अंदमान बेटावर दाखल, महाराष्ट्रातही अनेक जिल्ह्यांना यलो अलर्ट
Monsoon Update : भारतीय हवामान खात्याने (IMD) आज जारी केलेल्या अंदाजानुसार, उत्तर मध्य महाराष्ट्र आणि मराठवाड्यासह काही जिल्ह्यांमध्ये विजांच्या कडकडाटासह हलक्या ते मध्यम स्वरूपाचा पाऊस पडण्याची शक्यता आहे.
ADVERTISEMENT
Monsoon Update : दक्षिण-पश्चिम मान्सून दक्षिण बंगालच्या उपसागरात, दक्षिण अंदमान समुद्र, निकोबार बेटं आणि उत्तर अंदमान समुद्राच्या काही भागांमध्ये मान्सून दाखल झाल्याची माहिती भारतीय हवामान विभागाने (IMD) मंगळवारी दिली.
यंदाचा मान्सून नियोजित वेळेच्या एक आठवडा आधी म्हणजेच 13 मे रोजी या भागात पोहोचला आहे. गेल्या सात वर्षांत सर्वात लवकर मान्सून आला आहे. हवामान विभागाने दिलेल्या माहितीनुसार, मान्सून सामान्यतः दक्षिण अंदमान समुद्र आणि पोर्ट ब्लेअरमध्ये 21 मे रोजी दाखल होतो. पण यंदा मान्सूचं आगमन लवकर झालंय.
अंदमान बेटांवर मान्सून दाखल
हे ही वाचा >> ज्या सोफिया कुरैशींचं देशभर कौतुक होतंय, त्यांना भाजप मंत्री म्हणाला 'ती त्यांचीच बहीण', प्रकरण काय?
हवामान विभागाने सांगितलं की, पुढच्या तीन ते चार दिवसांत मान्सून दक्षिण अरबी समुद्र, मालदीव, कोमोरिन क्षेत्र, दक्षिण बंगालच्या उपसागरातील काही भाग, संपूर्ण अंदमान आणि निकोबार बेटे, उर्वरित अंदमान समुद्र आणि मध्य बंगालच्या उपसागराच्या काही भागांमध्ये दाखल होईल. सध्या मान्सूनसाठी अनुकूल परिस्थिती असल्याचं हवामान विभागाने म्हटलं आहे.
सोमवारपासून निकोबार बेटांवर मध्यम ते मुसळधार पावसाची नोंद झाली आहे. गेल्या दोन दिवसांपासून या बेटांवर सातत्यानं पाऊस पडतोय. हा पाऊस हा मान्सूनच्या सुरुवातीचे चिन्ह म्हणून पाहिला जातो.
हे वाचलं का?
