Malegaon Election Result 2025: शरद पवारांचा दबदबा कमी झाला? अजितदादांनी 21 पैकी 20 जागा कशा जिंकल्या?
Malegaon Sugar Mill Election Result: महाराष्ट्राच्या राजकारणात अजित पवारांनी माळेगाव सहकारी साखर कारखान्याच्या बोर्ड निवडणुकीत 21 पैकी 20 जागा जिंकून शरद पवारांना मोठा धक्का दिला आहे.
ADVERTISEMENT
Malegaon Sugar Mill Election Result: बारामती: उपमुख्यमंत्री अजित पवारांनी महाराष्ट्राच्या राजकारणात पुन्हा एकदा आपली ताकद दाखवून दिली आहे. विधानसभा निवडणुकीनंतर आता उपमुख्यमंत्री अजित पवार यांनी माळेगाव सहकारी साखर कारखान्याच्या बोर्ड निवडणुकीत शरद पवारांना मोठा धक्का दिला. त्यांच्या पॅनलने 21 पैकी तब्बल 20 जागा जिंकून चमकदार कामगिरी केली. तर शरद पवारांच्या राष्ट्रवादी (सपा) समर्थित पॅनलला एकही जागा मिळाली नाही. हा विजय अजित पवारांचे वाढते वर्चस्व दर्शवितो.
साखर कारखान्याच्या राजकारणात अजित पवारांचे वर्चस्व
यावेळी माळेगाव सहकारी साखर कारखान्याची निवडणूक ही अत्यंत प्रतिष्ठेची लढाई बनली होती. अजित पवार यांनी आधीच साखर कारखान्याचे अध्यक्ष होणार अशी घोषणा केली होती. त्यांच्या पॅनलने 21 पैकी 20 जागा जिंकून जवळजवळ क्लीन स्वीप केलं. या विजयामुळे बारामतीमध्ये अजित पवारांचे नेतृत्व आणखी बळकट झाले आहे, जे एकेकाळी शरद पवारांचा बालेकिल्ला मानले जात होते.
हे ही वाचा>> "तर मी राजकारण सोडेल राजकारण...", अंबानींबद्दलच्या 'त्या' वक्तव्यावरुन काय म्हणाले अजित पवार?
निवडणूक कधी आणि कशी झाली?
माळेगाव साखर कारखान्यासाठी 22 जून रोजी मतदान झाले. मंगळवारी सकाळी 9 वाजता मतमोजणी सुरू झाली, जी 36 तास चालली. या दीर्घ प्रक्रियेनंतर बुधवारी रात्री सर्व 21 जागांचे निकाल आले. अजित पवारांच्या पॅनलने चमकदार कामगिरी केली आणि त्यांचे प्रतिस्पर्धी चंद्रराव तावरे यांच्या पॅनलला फक्त एका जागेवर समाधान मानावं लागलं.