मातोश्रीवरील बैठकीतून बाहेर पडताच संजय दिना पाटलांचं मोठं वक्तव्य
MP Sanjay dina patil : शिवसेना (UBT) खासदार संजय दिना पाटील यांनी मातोश्रीवरील बैठकीनंतर सर्व खासदारांची पक्षात एकजूट असल्याचे स्पष्ट करत 'ऑपरेशन टायगर'च्या चर्चा केवळ अफवा असल्याचे फेटाळून लावले आहे.
ADVERTISEMENT
बातम्या हायलाइट
मातोश्रीवरील बैठकीतून बाहेर पडताच संजय दिना पाटलांचं मोठं वक्तव्य
MP Sanjay dina patil : शिवसेना (UBT) प्रमुख उद्धव ठाकरे यांनी मुंबईतील 'मातोश्री' निवासस्थानी बोलावलेल्या खासदारांच्या बैठकीनंतर, खासदार संजय दिना पाटील यांनी पक्षातील एकजूटीचे दर्शन घडवत राजकीय वर्तुळात सुरू असलेल्या 'ऑपरेशन टायगर'च्या चर्चांवर पूर्णविराम लावला आहे. गेल्या काही दिवसांपासून शिवसेना (UBT) चे काही खासदार उपमुख्यमंत्री एकनाथ शिंदे यांच्या गटाच्या संपर्कात असल्याची चर्चा राजकीय वर्तुळात रंगली होती. मात्र, संजय दिना पाटील यांनी या सर्व अफवा फेटाळून लावल्या असून, आपण पक्षप्रमुख उद्धव ठाकरे यांच्या नेतृत्वाखाली ठामपणे उभे असल्याचे स्पष्ट केले आहे. आपल्याला कोणत्याही प्रकारची ऑफर आली नसून किंवा कोणाचाही दबाव नसल्याचेही त्यांनी आवर्जून सांगितले.
हेही वाचा : रजा मंजूर करण्यासाठी वरिष्ठांनी मागितले पैसे, तरुण पोस्टमास्तरने सगळंच संपवलं
संजय दिना पाटील नेमकं काय म्हणाले?
खासदार संजय दिना पाटील यांनी आपल्या स्पष्टोक्तीत पक्षाला एका मोठ्या कुटुंबाची उपमा दिली. ते म्हणाले की, ज्याप्रमाणे कुटुंबात लहान-सहान तक्रारी असतात, त्याचप्रमाणे पक्षातही काही गोष्टी असू शकतात, परंतु याचा अर्थ पक्ष सोडून जाणे असा होत नाही. बैठकीत कोणत्याही खासदाराने तक्रार केली नसल्याचे सांगत, सर्व खासदार उद्धव ठाकरे यांच्यासोबत असल्याचे त्यांनी ठामपणे नमूद केले. 'ऑपरेशन टायगर' हा विषय गेल्या दोन वर्षांपासून चर्चिला जात असून, यात कसलेही तथ्य नसल्याचे त्यांनी सांगितले. जेव्हा खरोखरच काही घडणार असेल, तेव्हा त्याबद्दलची माहिती स्वतःहून दिली जाईल, असेही ते उपरोधिकपणे म्हणाले.
हेही वाचा : सांगली : 13 वर्षीय मुलावर गोळ्या झाडल्या, आरोपी मैत्रिणीसोबत लॉजवर सापडला!
