NEET Paper Leak: CBI ने मुसक्या आवळलेले लातूरचे मोटेगावकर सर आहे तरी कोण... काय आहे त्यांचा नेमका इतिहास?
NEET Paper Leak and Shivraj Motegaonkar: नीट पेपरफुटी प्रकरणात लातूरमधील शिवराज मोटेगावकर सर यांना अटक केली. ज्यानंतर त्यांच्याविषयी वेगवेगळी माहिती समोर येऊ लागली. जाणून घ्या नेमके कोण आहेत शिवराज मोटेगावकर.
ADVERTISEMENT
Who is Shivraj Motegaonkar: लातूर: नीट पेपरफुटी प्रकरणात लातूरमधील एका नामांकित कोचिंग संस्थेचे संचालक शिवराज मोटेगावकर यांना केंद्रीय अन्वेषण ब्युरोने (CBI) सोमवारी पुण्यातून अटक केली. पीटीआय या वृत्तसंस्थेनुसार, दिल्लीच्या राऊस ॲव्हेन्यू न्यायालयाने मोटेगावकर यांना 9 दिवसांची CBI कोठडी सुनावली आहे.
रसायनशास्त्राचे प्राध्यापक म्हणून ओळखले जाणारे मोटेगावकर यांनी लातूरमध्ये नीट (NEET) आणि जेईई (JEE)परीक्षेच्या तयारीच्या क्षेत्रात स्वतःची ओळख निर्माण केली आहे. मोटेगावकर हे लातूरमधील रेणुकाई करिअर सेंटर (RCC)या कोचिंग संस्थेचे संस्थापक आहेत. या संस्थेची स्थापना 2003 मध्ये झाली. सुरुवातीला, आरसीसी महाराष्ट्र हॉटेल मॅनेजमेंट कॉमन एन्ट्रन्स टेस्ट (MH-CET) साठी तयारी करून देत असे.
यापूर्वी, 17 मे रोजी मोटेगावकर यांची सुमारे 10 तास चौकशी करण्यात आली. 18 मे रोजीही त्यांची चौकशी सुरू होती. त्यानंतर त्यांना अटक करण्यात आली. रविवारपर्यंत सीबीआयने या प्रकरणात नऊ आरोपींना अटक केली आहे. शिवराज मोटेगावकर यांच्या अटकेमुळे आरोपींची एकूण संख्या 10 झाली आहे. आरसीसी हे NEET, JEE आणि MHT-CET परीक्षांसाठी विद्यार्थ्यांना तयार करणाऱ्या महाराष्ट्रातील सर्वात मोठ्या कोचिंग नेटवर्कपैकी एक मानले जाते.
कोण आहेत शिवराज मोटेगावकर?
आरसीसीच्या अधिकृत वेबसाइटवरील माहितीनुसार, शिवराज मोटेगावकर यांनी भौतिकशास्त्र विषयात एमएससी करत असताना सुवर्णपदक मिळवले आहे. तथापि, वेबसाइटवर कोणत्याही विद्यापीठाच्या नावाचा उल्लेख नाही.
