"मुख्यमंत्री आहेस ना तू..", फडणवीसांच्या विधानसभेतील भाषणावरुन राज ठाकरे संतापले
Raj Thackeray on Devendra Fadnavis : मुख्यमंत्री देवेंद्र फडणवीस यांनी मिसिंग लिंकबाबत विधानसभेत केलेल्या भाषणावरुन राज ठाकरेंनी संताप व्यक्त केला..
ADVERTISEMENT
बातम्या हायलाइट
"मुख्यमंत्री आहेस ना तू.."
फडणवीसांच्या विधानसभेतील भाषणावरुन राज ठाकरे संतापले
Raj Thackeray on Devendra Fadnavis, Mumbai : मुख्यमंत्री देवेंद्र फडणवीस यांनी विधानसभेत मिसिंग लिंकच्या गळतीवरुन स्पष्टीकरण तर दिलेच मात्र, यावेळी त्यांनी विरोधकांना इशाराही दिला. शिवाय, सोशल मीडियावर जाब विचारणाऱ्या लोकांना देवेंद्र फडणवीस यांनी भर सभागृहात कुत्ता, भाडे के टट्टू वगैरे शब्द वापरले होते. मुख्यमंत्र्यांच्या या भाषणाचा मनसे अध्यक्ष राज ठाकरे यांनी रेल्वे कामगार सेनेचा वर्धापन दिनाच्या निमित्ताने केलेल्या भाषणात चांगलाच समाचार घेतला. ते काय म्हणाले? जाणून घेऊयात..
हेही वाचा : 38 वर्षीय प्रेयसीच्या नादाला लागला, लग्नानंतर तिसऱ्याच महिन्यात बायकोसोबत केलं नको तेच
महाराष्ट्राचा मुख्यमंत्री हिंदीत बोलतो कशासाठी?
राज ठाकरे म्हणाले, "मला दुसरं एक कळालं नाही..मुख्यमंत्र्यांचं विधानसभेतील भाषण... मिसिंग लिंक हे उत्तम दर्जाचं कंस्ट्रक्शन आहे वगैरे वगैरे... आणि याचं जर समजा कोणी राजकारण करत असेल आम्ही बघून घेऊ त्यांना... मुख्यमंत्री आहेस ना तू?? बघून घेऊ...? बरं झालं ते झालं... पुढे वाक्य संपल्या संपल्या हिंदीतून बोलायला सुरु केलं. कोणासाठी हिंदी बोललात? समोर आमदार मराठी होते. महाराष्ट्राची विधानसभा आहे... महाराष्ट्राच्या विधानसभेत आमचा मुख्यमंत्री हिंदीत बोलतो कशासाठी? कोणाला सांगायचं होतं? कदाचित आपल्याच पक्षातील वरच्या लोकांना सांगायचं असेल बघून घेईल...त्यांनाही माहिती आहे..व्हिडीओ वगैरे कुठून येत आहेत. हे सगळं राजकारण काय सुरु आहे? हे मी माझ्या पत्रकार परिषदेतही बोललो होतो. जे काय त्यांच्या पक्षामध्ये घमासान सुरु आहे ना? ते पाहात राहा... "
हेही वाचा : अंकशास्त्र आणि राजकारण्यांचं भवितव्य, पाहा ठाकरे, शिंदे आणि फडणवीसांचं पुढे काय होणार?
