'...अरे कोणाला घाबरताय तुम्ही एवढं?', राज ठाकरेंच्या पत्नींचा मोदी सरकारला खडा सवाल!

आंदोलन हिंसक होत नसेल, तर नागरिकांना आंदोलन करण्याचा अधिकार आहे, असं त्यांनी स्पष्ट केलं. दिल्लीतील मेट्रो स्थानकं बंद ठेवणं, रेल्वे गाड्या रद्द करणं आणि आंदोलनाच्या ठिकाणी बॅरिकेड्स लावणं यावरही त्यांनी प्रश्न उपस्थित केले.

आंदोलनाचा अधिकार हिरावण्याचा अधिकार सरकारला कोणी दिला?

शर्मिला ठाकरे म्हणाल्या की, भारतीय संविधानाने नागरिकांना आंदोलन करण्याचा अधिकार दिला आहे. मात्र, हा अधिकार वापरताना आंदोलन हिंसक होता कामा नये. आंदोलन शांततेत सुरू असेल, तर नागरिकांचा हा हक्क हिरावून घेण्याचा अधिकार सरकारला कोणी दिला, असा सवाल त्यांनी उपस्थित केला.

हे ही वाचा>> 'तुम्हाला मी आज इशारा देतो, जर...', CM फडणवीस राहुल गांधींवर आता एवढे का संतापले?

लोकशाहीमध्ये सरकारच्या निर्णयांविरोधात आवाज उठवण्याचा अधिकार नागरिकांना असतो. त्यामुळे आंदोलनाच्या पार्श्वभूमीवर सरकारकडून करण्यात येणाऱ्या निर्बंधांवर त्यांनी आक्षेप घेतला.