मुख्यमंत्रीपदासाठी रावसाहेब दानवेंची अजित पवारांना खुलेआम मोठी ऑफर!
अजित पवार यांना मुख्यमंत्रीपदासाठी रावसाहेब दानवे यांनी मीडियाशी बोलताना एक जाहीर ऑफर दिली आहे. ज्यामुळे राजकीय वर्तुळात वेगवेगळ्या चर्चा सुरू झाल्या आहेत.
ADVERTISEMENT
मुंबई: मुख्यमंत्री पदावर 2024 कशाला आता म्हणाला तर आताही दावा करण्याची तयारी आहे. असं विधान राष्ट्रवादी काँग्रेसचे (NCP) नेते अजित पवार (Ajit Pawar) यांनी काल (21 एप्रिल) पुण्यात (Pune) सकाळ वृत्तसमूहाच्या कार्यक्रमात केलं. अजित पवार यांच्या याच विधानामुळे राज्यात उलटसुलट चर्चा सुरू झाल्या आहेत. असं असताना आता भाजपचे (BJP) केंद्रीय राज्यमंत्री रावसाहेब दानवे (Raosaheb Danve)यांनी मात्र, अजित पवार यांना थेट मुख्यमंत्री होण्यासाठी मोठी ऑफर दिली आहे त्यामुळे सर्वांच्या भुवया उंचावल्या आहेत. (raosaheb danves open big offer to ajit pawar for the post of chief minister)
‘अजित पवार बहुमताच्या बाजूला आले तर मुख्यमंत्री..’
अजित पवार हे आजही मुख्यमंत्री होऊ शकतात. असं विधान करत रावसाहेब दानवे यांनी नव्या चर्चेला तोंड फोडलं आहे. पाहा अजित पवार नेमकं काय म्हणाले.
‘अजित पवारांचा मुख्यमंत्रिपदासाठीच दावा आहे.. आज नाही तर ज्या वेळेस काँग्रेस आणि राष्ट्रवादी काँग्रेस एकत्र लढले त्या वेळेस काँग्रेसपेक्षा राष्ट्रवादीलाच जास्त जागा मिळाल्या होत्या. त्याही वेळेस अजित पवार यांना मुख्यमंत्री होता आलं नाही. राजकारणातील या घटना आहेत म्हणून मी तुम्हाला घटना सांगितली.’
‘त्यामुळे दावा करणं वेगळी गोष्ट आहे बहुमत असणं वेगळी गोष्ट आहे. जर बहुमताच्या बाजूला ते आले किंवा बहुमत कदाचित त्यांना भविष्यात मिळालं 10-20 वर्षांने तर ते मुख्यमंत्री होऊ शकतात. माझा काही त्यांना विरोध नाही. चांगले कार्यकर्ते आहेत.. धडाडीचे कार्यकर्ते आहेत.’
हे वाचलं का?
