अजित पवारांमुळे बंड करणाऱ्या शिवसेनेच्या आमदारांना आता ‘दादा’च हवेत!
Shiv Snea and Ajit Pawar: अजित पवार हे सोबत आले तर त्यांचं स्वागत केलं जाईल असं शिवसेनेनं जाहीर केलं आहे. मात्र ९ महिन्यांपूर्वी याच अजित पवारांवर शिंदे गटाकडून टीका केली जात होती.
ADVERTISEMENT
मुंबई: साधारण वर्षभरापूर्वी राज्यात अचानक एकनाथ शिंदे (Eknath Shinde) यांनी 40 आमदारांसह शिवसेनेत (Shiv sena) बंडाचं निशाण फडकवलं. उद्धव ठाकरे (Uddhav Thackeray) यांनी हिंदुत्व गुंडाळून फक्त सत्तेसाठी काँग्रेस आणि राष्ट्रवादी काँग्रेसशी (NCP) आघाडी केली आणि हीच गोष्ट आपल्याला बोचत असून आपण सत्तेतून बाहेर पडत असल्याचं शिंदे गटाने सुरुवातीला सांगितलं होतं. त्यानंतर काही दिवसांनी आपण अजित पवारांमुळे (Ajit Pawar) बाहेर पडत आहोत असंही शिंदे गटाने सांगितलं होतं. मात्र, असताना आता अचानक 9 महिन्यांनतर याच शिवसेनेच्या आमदारांना अजितदादाच आपल्या सत्तेत हवे आहेत.. आता शिवसेनेच्या आमदारांमध्ये हा बदल कसा झाला आणि यामागे नेमकं काय राजकारण आहे. हे आपण सविस्तर जाणून घेऊया. (shiv sena mlas who rebelled because of ajit pawar now want ajitdada to join the bjp)
शिंदे गटाला आधी नकोसे झालेले अजित पवार
एकनाथ शिंदे यांनी उद्धव ठाकरेंविरोधात बंड करताना सुरुवातीला अजित पवार यांना टार्गेट केलं होतं. एकनाथ शिंदेंनी असा दावा केला होता की, त्यांच्यासोबतच्या अनेक आमदारांची अशी तक्रार आहे की, ‘उद्धव ठाकरे जरी मुख्यमंत्री असले तरी सत्ता ही अजित पवारच राबवत होते. महत्त्वाचे निर्णय हे अजित पवार हेच घेतात. तसंच अर्थमंत्री असल्याने फंड कोणाला द्यायचा हे त्यांच्याच अधिकारात आहे. त्यामुळे ते सर्वाधिक फंड हा राष्ट्रवादी काँग्रेसच्या आमदारांनाच देतात. शिवसेनेला सर्वात कमी फंड मिळतो.’ अशी तक्रार करत शिंदे गटाने अजित पवारांनाही बंडासाठी जबाबदार धरलं होतं.
हे ही वाचा>> हत्येपूर्वी अशरफने नाव घेतलेल्या गुड्डू मुस्लिमला नाशिकमधून अटक, सत्य काय?
अजित पवार हे अनेक कामं अडकवून ठेवत असल्याची तक्रारही शिवसेना आमदारांनी त्यावेळी केली होती. त्यामुळे राष्ट्रवादी काँग्रेस, अजित पवार हे बंड केलेल्या आमदारांना नकोसे झाले होते. त्यावेळी अजित पवारांवर शिंदे गटाकडून बरीच टीकाही केली गेली होती.
शिवसेनेला आता ‘अजितदादा’च हवेत!
दरम्यान, आता काही दिवसांपासून अजित पवार हे भाजपसोबत येणार असल्याची चर्चा सुरू झाल्यानंतर राजकीय गणितं बदलली आहेत. भाजपचे अनेक नेते अजित पवारांबाबत अनुकूल असल्याचं दिसून येताच शिंदे गटाकडून देखील तात्काळ पत्रकार परिषद घेऊन अजित पवार हे युतीच्या सरकारमध्ये आल्यास त्यांचे स्वागतच होईल असं सांगत आहे.
हे वाचलं का?
