नगरपंचायत बिनविरोध करण्यासाठी अनगरमध्ये दहशत? अर्ज भरु नये म्हणून पाठलाग; महिलेचे भाजप नेत्यावर आरोप
Ujjwala Thite and Anagar nagarpanchayat : नगरपंचायत बिनविरोध करण्यासाठी अनगरमध्ये दहशत? अर्ज भरु नये म्हणून पाठलाग; महिलेचे भाजप नेत्यावर आरोप
ADVERTISEMENT
बातम्या हायलाइट
नगरपंचायत बिनविरोध करण्यासाठी अनगरमध्ये दहशत?
अर्ज भरु नये म्हणून पाठलाग; महिलेचे भाजप नेत्यावर आरोप
Ujjwala Thite and Anagar nagarpanchayat : "मोहोळमध्ये अनगर नगरपंचायत निवडणूक लागली आहे. मी निवडणुकीचा अर्ज भरणार आहे. मात्र, गेली 3 दिवस झाले मी अनगर नगर पंचायत येथे फॉर्म भरायला जावू नये म्हणून आमचा पाठलाग करत गाड्या फिरत आहेत. भाजप नेते आणि माजी आमदार राजन पाटील, विक्रांत पाटील आणि अजिंक्यराणाा पाटील माझ्यापासून निवडणूक लढवण्याचा अधिकार हिसकावून घेत आहेत", असा आरोप उज्वला थिटे यांनी केला आहे.
उज्ज्वला थिटे म्हणाल्या, निवडणूक बिनविरोध करायची की नाही? हे जनता ठरवेन. मला अर्ज भरु दिला जात नाही. कॉर्नरवर हजारो लोकं उभे केले आहेत. मी आठ दिवस झालं पोलिसांना प्रोटेक्शन मागत आहे. गृहमंत्री साहेब एवढी घाण तुम्ही तुमच्या पक्षात घेतली आहे. महाराष्ट्रातील जनतेने पाहावं, आमचा निवडणुकीचा अधिकार हिसकावून घेतला जातोय. वाटेवर प्रत्येक ठिकाणी ट्रॅप लावले आहेत.
अजित पवार गटाकडून नगराध्यक्षपदाची उमेदवारी मिळाल्यानंतर उज्ज्वला थिटे गेल्या काही दिवसांपासून अर्ज दाखल करण्यासाठी धडपड करत होत्या. मात्र, त्यांनी नामनिर्देशन सादर करू नये आणि स्थानिक निवडणूक बिनविरोध पार पडावी, यासाठी भाजप नेते राजन पाटील अडथळे निर्माण करत असल्याचा आरोप थिटे यांनी केला आहे.
हेही वाचा : अभिजीत बिचुकलेंनी ठोकले शड्डू, साताऱ्याला सितारा करणार म्हणत, उदयनराजेंचं नाव न घेता म्हणाले, मलाही...
हे वाचलं का?
