VIDEO: विधानसभेच्या परिसरात तुफान हाणामारी, पडळकर आणि आव्हाडांच्या कार्यकर्त्यांची कपडे फाटेपर्यंत मारामारी!
Gopichand Padalkar vs Jitendra Awhad : भाजपचे आमदार गोपीचंद पडळकर आणि राष्ट्रवादी काँग्रेस शरद पवार गटाचे आमदार जितेंद्र आव्हाड यांच्या कार्यकर्त्यांमध्ये तुंबळ हाणामारी झाली आहे.
ADVERTISEMENT
बातम्या हायलाइट
गोपीचंद पडळकर आणि जितेंद्र आव्हाड यांच्यात तुंबळ हाणामारी
खालच्या पातळीवर राजकारण
Gopichand Padalkar vs Jitendra Awhad: भाजपचे आमदार गोपीचंद पडळकर आणि राष्ट्रवादी काँग्रेस शरद पवार गटाचे आमदार जितेंद्र आव्हाड यांच्या कार्यकर्त्यांमध्ये तुंबळ हाणामारी झाली आहे. ज्यावरून राज्याच्या राजकारणाचा दर्जा ढासळ्याची आता सर्वच स्तरातून टीका होत आहे. आमदार जितेंद्र आव्हाडांचा नुकताच एक व्हिडिओ व्हायरल झाला होता. त्यात त्यांनी गोपीचंद पडळकरांचं नाव न घेता टीका केली होती. त्यानंतर काल (16 जुलै) गोपीचंद पडळकर यांच्या कारचा आव्हाडांच्या कार्यकर्त्यांना धक्का लागला होता. ज्यानंतर तिथे शिवीगाळ देखील झाली होती. या घटनेचे आज थेट विधानसभेच्या परिसरात पडसाद उमटले असून आता दोन्ही नेत्यांच्या कार्यकर्त्यांची थेट कपडे फाटेपर्यंत हाणामारी झाली. दरम्यान, ही संपूर्ण घटना कॅमेऱ्यात कैद झाली असून आता या प्रकरणाचे राजकीय पडसाद हे उमटू लागले आहेत.
नेमकं काय घडलं?
जितेंद्र आव्हाड यांनी काही दिवसांआधी मंगळसूत्र चोर असं म्हणत गोपीचंद पडळकर यांना डिवचलं होतं. त्यानंतर गोपीचंद पडळकर यांनी अंगावर गाडी घातली असा आरोप काल जितेंद्र आव्हाडांकडून करण्यात आला होता. जिथे शिवीगाळ देखील झाली होती. ज्याचा व्हिडिओ देखील व्हायरल झाला होता. ज्यामध्ये गोपीचंद पडळकर असं म्हणताना दिसत होते की, 'तुझ्यासारखी कुत्री घेऊन फिरत नाही.. मी एकटाच फिरतो..' असं म्हणत जितेंद्र आव्हाडांना सुनावलं होतं.
हे ही वाचा>> विधानभवनाच्या गेटसमोर जितेंद्र आव्हाड आणि गोपीचंद पडळकरांमध्ये शिवीगाळ
हे सर्व प्रकरण विधानभवनाच्या गेटसमोरच झालं होतं. दरम्यान, काही दिवसांआधी शिवसेना आमदार संजय गायकवाड यांनीही आमदार भवनातील कॅन्टीन व्यवस्थापकाला मारहाण केली होती. त्यानंतर आता विधानभवनाच्या परिसरातच दोन्ही नेत्यांच्या कार्यकर्त्यांनी हाणामारी केल्याने येथील सुरक्षेचा प्रश्न निर्माण झाला आहे. यावर राष्ट्रवादी काँग्रेस पक्षाचे नेते आणि आमदार रोहित पवार यांनी तात्काळ विधानसभेत या प्रकरणी मुद्दा उपस्थित केला आणि त्यांनी अध्यक्षांकडे कारवाईची मागणी केली.
कार्यकर्त्यांना मारहाण जितेंद्र आव्हाडांना संताप अनावर
आपल्या कार्यकर्त्यांना विधानसभेच्या परिसरातच मारहाण झाल्याचं समजताच जितेंद्र आव्हाड यांनी माध्यमांसमोर प्रतिक्रिया देताना प्रचंड संताप व्यक्त केला. 'जर तुम्ही विधानसभेत गुंडांना प्रवेश देणार असाल आणि ते हल्ले करणार असतील तर आमचेच जीव सुरक्षित नाहीत. मी स्वत: ट्वीट टाकलंय. मला आई-बहिणीवरून शिव्या दिल्या आहेत. तुला मारून टाकू, कुत्रा, डुक्कर अजून काय-काय लिहिलंय. काय सुरू आहे विधानसभेत?' असा सवाल यावेळी आव्हाडांनी उपस्थित केला.
हे वाचलं का?
