Sharad Pawar: दिलीप वळसे पाटलांच्या विरोधात पवारांचा ‘हा’ शिलेदार उभं करणार आव्हान?
निकम खरं तर वळसे पाटलांचे कार्यकर्ते पण आता राष्ट्रवादीत दोन गट पडल्यानंतर निकमांनी शरद पवारांना साथ दिलीये. देवदत्त निकम नेमके कोण आहेत आणि ते वळसे पाटलांना कशी टक्कर देऊ शकतात
ADVERTISEMENT
Politics of Maharashatra : दिलीप वळसे पाटील यांनी अजित पवारांसोबत मंत्री पदाची शपथ घेतल्यानंतर आपल्या समर्थकांसोबत शरद पवारांना पाठिंबा देण्यासाठी निकम मुंबईला निघाले होते. निकम खरं तर वळसे पाटलांचे कार्यकर्ते पण आता राष्ट्रवादीत दोन गट पडल्यानंतर निकमांनी शरद पवारांना साथ दिलीये. देवदत्त निकम नेमके कोण आहेत आणि ते वळसे पाटलांना कशी टक्कर देऊ शकतात, हेच पाहुयात… (Who is Devdatta Nikam)
राष्ट्रवादीमध्ये पडलेली फूट तुम्हाला माहिती आहे. त्यानंतर घडलेल्या घडामोडी देखील तुम्ही पाहिल्या आहेत. शरद पवारांचे विश्वासू म्हणून ओळखले जाणारे दिलीप वळसे पाटील अजितदादांच्या सोबत गेल्याने अनेकांना आश्चर्य वाटलं. पक्षात फूट पडल्यानंतर शरद पवार स्वतः आता मैदानात उतरले आहेत. शरद पवार आंबेगावमध्ये सभा घेणार होते, परंतु त्यांनी त्यांच्या महाराष्ट्र दौऱ्याची सुरुवात छगन भुजबळांच्या येवला मतदारसंघातून केली.
शरद पवारांचे पीए ते मंत्री राहिलेल्या वळसे पाटलांनी सोडली साथ
शरद पवारांचे पीए आणि त्यानंतर सात वेळा आमदार , मंत्री राहिलेल्या दिलीप वळसे पाटलांनी पवारांचीच साथ सोडली. राष्ट्रवादीच्या ज्या ज्या नेत्यांनी साथ सोडली त्या त्या नेत्यांसमोर सक्षम पर्याय उभं करण्यास पवारांनी सुरुवात केली आहे. जुन्या, इच्छुक कार्यकर्त्यांना पवारांनी आता ताकद देण्यास सुरुवात केली आहे. त्यातीलच एक नाव म्हणजे देवदत्त निकम.
कोण आहेत देवदत्त निकम?
देवदत्त निकम हे सुरुवातीपासूनच राष्ट्रवादीचे कट्टर कार्यकर्ते आहेत. सध्या ते मंचरच्या सहकारी साखर कारखान्याचे संचालक आहेत. त्याचबरोबर कृषी उत्पन्न बाजार समितीमध्ये देखील ते संचालक म्हणून काम पाहत आहेत. देवदत्त निकम खरं तर दिलीप वळसे पाटलांचे खंदे कार्यकर्ते.
हे वाचलं का?
