Ind vs NZ : टीम इंडियाची मालिकेत विजयी आघाडी, रोहित-राहुलची निर्णायक शतकी भागीदारी
रोहित शर्माच्या नेतृत्वाखाली खेळणाऱ्या टीम इंडियाने पहिल्याच मालिकेत विजयी आघाडी घेऊन चांगली सुरुवात केली आहे. रांचीच्या मैदानावर खेळवण्यात आलेल्या दुसऱ्या टी-२० सामन्यात भारताने न्यूझीलंडवर ७ विकेट राखून मात केली आहे. १५४ धावांचा पाठलाग करताना सलामीवीर लोकेश राहुल आणि रोहित शर्माने केलेली शतकी भागीदारी निर्णायक ठरली. टॉस जिंकून भारताचा कर्णधार रोहित शर्माने पहिल्यांदा बॉलिंगचा निर्णय घेतला. […]
ADVERTISEMENT
रोहित शर्माच्या नेतृत्वाखाली खेळणाऱ्या टीम इंडियाने पहिल्याच मालिकेत विजयी आघाडी घेऊन चांगली सुरुवात केली आहे. रांचीच्या मैदानावर खेळवण्यात आलेल्या दुसऱ्या टी-२० सामन्यात भारताने न्यूझीलंडवर ७ विकेट राखून मात केली आहे. १५४ धावांचा पाठलाग करताना सलामीवीर लोकेश राहुल आणि रोहित शर्माने केलेली शतकी भागीदारी निर्णायक ठरली.
टॉस जिंकून भारताचा कर्णधार रोहित शर्माने पहिल्यांदा बॉलिंगचा निर्णय घेतला. मार्टीन गप्टील आणि डॅरेल मिचेल यांनी चांगली सुरुवात केली. गप्टील आणि मिचेल या दोन्ही बॅट्समननी पॉवरप्लेच्या ओव्हर्समध्ये चांगली फटकेबाजी करुन चांगल्या धावा जमवल्या. ही जोडी भारतीय बॉलर्सना हैराण करणार असं वाटत असतानाच दीपक चहरने मार्टीन गप्टीलला आऊट केलं. यानंतर मार्क चॅम्पमनने डॅरेल मिचेलच्या साथीने पुन्हा एकदा छोटेखानी भागीदारी करुन संघाचा डाव सावरला.
Ind vs NZ Test : वानखेडे मैदानावर प्रेक्षकांना १०० टक्के एन्ट्री, राज्य सरकारची परवानगी
अक्षर पटेलने चॅम्पमनला आऊट करत न्यूझीलंडला आणखी एक धक्का दिला. यानंतर न्यूझीलंडच्या मधल्या फळीने निराशा केली. मोक्याच्या क्षणी भागीदारी करण्यात न्यूझीलंडचे फलंदाज अपयशी ठरले. भारतीय बॉलर्सनी मधल्या ओव्हर्समध्ये टिच्चून मारा करत न्यूझीलंडच्या धावगतीला वेसण घातली. त्यामुळे निर्धारित षटकांत न्यूझीलंडचा संघ ६ विकेट गमावून १५३ पर्यंत मजल मारु शकला. भारताकडून पदार्पणाचा सामना खेळणाऱ्या हर्षल पटेलने २ तर आश्विन, पटेल, चहर आणि भुवनेश्वर यांनी १-१ विकेट घेतली.
हे वाचलं का?
