Asia cup 2022 : पाकिस्तान असो अथवा श्रीलंका दोन्ही सामन्यात भुवनेश्वरच्या त्या ओव्हरनं पारडं बदललं

T20 सामन्यांमध्ये, जेव्हा तुम्ही लक्ष्याचा पाठलाग करत असता, तेव्हा शेवटचे षटक खूप महत्त्वाचे असते. विशेषत: 19 वे षटक, कारण येथे दबाव निर्माण करणे किंवा माघार घेणे हे शेवटच्या षटकाची दिशा ठरवते. दोन्ही सामन्यांमध्ये भुवनेश्वर कुमारने भारतासाठी 19 वे षटक टाकले आणि दोन्ही सामन्यात त्याचा 19 वा षटक महाग पडला. त्यानंतर टीम इंडियाला सामन्यात पुनरागमन करणे खूप कठीण झाले.

पाकिस्तानविरुद्ध भुवनेश्वर कुमारची ओव्हर

भारताविरुद्ध पाकिस्तानला शेवटच्या दोन षटकात 26 धावांची गरज होती, इथे भुवनेश्वर कुमारने 19 वे षटक टाकले. मात्र या षटकात त्याने 19 धावा लुटल्या, त्यानंतर पाकिस्तानचा विजय जवळपास निश्चित झाला. नंतर अर्शदीप सिंगने 20 वे षटक केले, ज्यामध्ये शेवटच्या षटकात 7 धावा वाचवण्याचे त्याचे लक्ष्य होते, त्याने प्रयत्न केला, परंतु त्याला यश आले नाही.

भुवनेश्वरचे ते षटक: 1 (वाईड), 1, 6, 1 (वाईड), 1, 4, 1, 4

श्रीलंकेविरुद्धही असेच घडले

असाच काहीसा प्रकार मंगळवारी श्रीलंकेविरुद्ध घडला, जेव्हा शेवटच्या दोन षटकांत श्रीलंकेला विजयासाठी 21 धावांची गरज होती. येथेही रोहित शर्माने भुवनेश्वर कुमारला 19 वे षटक दिले. ज्यात त्याने 14 धावा दिल्या. त्यानंतर अर्शदीप सिंगने 20 वे षटक टाकले आणि येथेही तो 7 धावा वाचवू शकला नाही.

भुवनेश्वरचा षटक : 1, 1, 1 (वाइड), 1 (वाइड), 4, 4, 1, 1

आशिया कपमध्ये भुवनेश्वर कुमार: •

पाकिस्तान विरुद्ध- 26/4

हाँगकाँग विरुद्ध – 15

पाकिस्तान विरुद्ध – 40/1

श्रीलंका विरुद्ध- 40/0

श्रीलंकेविरुद्धच्या पराभवानंतर टीम इंडियाला आशिया कपच्या अंतिम फेरीत पोहोचणे कठीण झाले आहे. या सामन्यात भारताने प्रथम फलंदाजी करताना 173 धावा केल्या, कर्णधार रोहित शर्माने 72 धावांची शानदार खेळी केली. पण श्रीलंकेच्या उत्कृष्ट सलामीच्या जोडीने टीम इंडियाची अवस्था बिघडवली, मध्येच भारत काही काळासाठी सामन्यात परतलं होतं . पण शेवटी श्रीलंकेने 6 विकेट्सने विजय मिळवला.