IPL 2025 Final: कोहलीला मैदानावरच रडू कोसळलं.. 6 रनने RCB ने IPL ची ट्रॉफी जिंकली!

या सामन्यात पंजाब संघाने नाणेफेक जिंकली आणि आरसीबीला प्रथम फलंदाजीसाठी आमंत्रित केले. आरसीबीने प्रथम फलंदाजी करत 9 विकेट गमावून 190 धावा केल्या. ज्यामध्ये कोहलीच्या 43 धावा होत्या. त्याच वेळी पंजाबकडून जेमीसन आणि अर्शदीपने 3-3 विकेट घेतल्या. प्रत्युत्तरादाखल पंजाब किंग्ज फक्त 184 धावा करू शकला आणि आरसीबीने हे विजेतेपद जिंकले.

हे ही वाचा>> PBKS vs MI Qualifier 2, IPL 2025: जिव्हारी लागलेल्या पराभवानंतर हार्दिक पांड्याने कोणाला धरलं जबाबदार?

दरम्यान, या हंगामात आपल्याला एक नवीन विजेता मिळाला आहे. 2008 मध्ये सुरू झालेल्या या स्पर्धेत दोन्ही संघांनी कधीही विजेतेपद जिंकलेले नव्हतं. 

पंजाब किंग्जची फलंदाजी 

पंजाब किंग्जची सुरुवात चांगली झाली. प्रियांश आर्य आणि 'इम्पॅक्ट सब' प्रभसिमरन सिंग यांनी मिळून 5 षटकांत 43 धावांची भागीदारी केली. ही भागीदारी जोश हेझलवूडने मोडली, ज्याने प्रियांश आर्यला फिल साल्टद्वारे झेलबाद केलं. प्रियांशने 24 धावा केल्या. त्यानंतर, जोश इंग्लिश आणि प्रभसिमरन यांच्यात चांगली भागीदारी झाली. पण 9व्या षटकात प्रभसिमरन बाद झाला. प्रभसिमरनने 26 धावा केल्या. 

पण त्यानंतर मैदानात आलेला कर्णधार श्रेयस अय्यर काही खास करू शकला नाही आणि फक्त 1 धाव घेत शेफर्डचा बळी ठरला. पंजाबसाठी हा एक मोठा धक्का होता. यानंतर, सर्व जबाबदारी जोस इंग्लिस आणि नेहल वढेरा यांच्यावर होती. पण 13 व्या षटकात कृणाल पंड्याने जोस इंग्लिसची विकेट घेतली आणि आरसीबीला सामन्यात परत आणलं. इंग्लिसने 39 धावा आल्या. यानंतर, नेहल वढेरा आणि शशांक सिंह यांच्यात चांगली भागीदारी झाली. पण 17 व्या षटकात भुवनेश्वर कुमारने नेहल वढेराला बाद केले. त्यानंतर, त्याच षटकात, भुवीने स्टॉयनिसलाही बाद केलं आणि पंजाबला सहावा धक्का दिला.

हे ही वाचा>> आरारा... 'RCB चा पराभव झाला तर मी नवऱ्याला घटस्फोट देणार', महिलेचा VIDEO तुफान व्हायरल

यानंतर, पुढच्या षटकात उमरझाई देखील बाद झाला. यानंतर, शशांक सिंग एका टोकाला उभा राहिला. शेवटच्या षटकात पंजाबला विजयासाठी 29 धावांची आवश्यकता होती. यावेळी शेवटच्या चेंडूपर्यंत शशांकने खिंड लढवली. पण केवळ 6 धावांनी त्यांचा पराभव झाला.

आरसीबीची फलंदाजी

17 वर्षांच्या प्रदीर्घ प्रतीक्षेनंतर, आरसीबीचा संघ आयपीएल चॅम्पियन बनला. विराट कोहली आणि फिल साल्टने अंतिम सामन्यात प्रथम फलंदाजी करायला सुरुवात केली. साल्टने काही शानदार फटके मारले. पण दुसऱ्या षटकातच जेमिसनने साल्टला बाद केले. त्यानंतर मयंक अग्रवाल आणि कोहलीने डाव सांभाळला. मयंक-विराटने 6 षटकांनंतर म्हणजेच पहिल्या पॉवरप्लेनंतर आरसीबीचा स्कोअर 50 च्या पुढे नेला. पण 7 व्या षटकातच चहलने मयंकला बाद केले. 

त्यानंतर कोहली आणि कर्णधार रजत पाटीदार यांच्यात चांगली भागीदारी झाली आणि दोघांनीही 10 षटकांनंतर आरसीबीचा स्कोअर 89 पर्यंत नेला. पण 11व्या षटकातच जेमिसनने कर्णधार रजत पाटीदारला बाद केले. पण कोहली धावसंख्या हळूहळू पुढे नेली. पण 15 व्या षटकात आरसीबीला सर्वात मोठा धक्का बसला जेव्हा विराट कोहलीला उमरझाईने बाद केलं. कोहलीने यावेळी 43 धावा केल्या.  

दरम्यान, 20 षटकांत 9 विकेट गमावल्यानंतर आरसीबीने पंजाबसमोर 191 धावांचे लक्ष्य ठेवले होते. 

पंजाब किंग्ज (प्लेइंग इलेव्हन): प्रियांश आर्य, जोश इंग्लिस, श्रेयस अय्यर (कर्णधार), नेहल वढेरा, शशांक सिंग, मार्कस स्टॉयनिस, अझमतुल्ला उमरझाई, काइल जेमिसन, विजयकुमार वैशाख, अर्शदीप सिंग, युजवेंद्र चहल.

रॉयल चॅलेंजर्स बंगलोर (प्लेइंग इलेव्हन): फिल सॉल्ट, विराट कोहली, मयंक अग्रवाल, रजत पाटीदार, लियाम लिव्हिंगस्टोन, जितेश शर्मा, रोमॅरियो शेफर्ड, कृणाल पंड्या, भुवनेश्वर कुमार, यश दयाल, जोश हेजलवुड.