IPL 2025 Reschedule: IPL 2025 चे वेळापत्रक बदललं, पाहा आता कोणती मॅच कधी असणार

आता हा सामना 8 एप्रिल (मंगळवार) दुपारी 3.30 वाजता कोलकात्यातील ईडन गार्डन्सवर खेळला जाईल. सणांमुळे कोलकाता पोलिसांनी बंगाल क्रिकेट असोसिएशन (CAB) ला या सामन्याचे वेळापत्रक बदलण्याची विनंती केली होती. यानंतर भारतीय क्रिकेट नियामक मंडळाने (BCCI) वेळापत्रकात बदल केला आहे.

हे ही वाचा>> IPL 2025: 24 तासांत 3 वेळा 97 नाबादचा आश्चर्यकारक योगायोग, श्रेयस अय्यर आणि...

जर आपण तपासून पाहिले तर वेळापत्रकात बदल झाल्यामुळे आता ६ एप्रिलऐवजी 8 एप्रिल रोजी डबल हेडर (दोन सामने) होतील. कोलकाता-लखनौ सामन्यानंतर, पंजाब किंग्ज (PBKS) त्याच दिवशी संध्याकाळी 7.30 वाजता न्यू चंदीगड येथे चेन्नई सुपर किंग्ज (मॅच क्र. 22) सोबत भिडेल.

हे ही वाचा>> PBKS vs GT: श्रेयस अय्यरला शतकापासून रोखलं पण पठ्ठ्याने पंजाबला जिंकवलं, कोण आहे शशांक सिंग?

गेल्या वेळेप्रमाणे या हंगामातही IPL मध्ये 10 संघ सहभागी होत आहेत. या संघांमध्ये 65 दिवसांत अंतिम सामन्यासह एकूण 74 सामने खेळवले जाणार आहेत. हे सर्व सामने भारतातील 13 ठिकाणी होत आहेत. यावेळी आयपीएलचे 62 सामने फक्त संध्याकाळी खेळवले जात आहेत. तर दुपारी 12 सामने होत आहेत. भारतीय वेळेनुसार दुपारी 3.30 वाजल्यापासून दुपारचे सामने खेळवले जात आहेत. तर संध्याकाळचे सामने 7.30 वाजता सुरू होत आहेत.