Tokyo Olympic 2020 : दिपीका कुमारीच्या रुपाने तिरंदाजीत भारताचं आव्हान कायम

दिपीकाच्या तुलनेत अमेरिकेची खेळाडू जेनिफर फर्नांडीस ही वयाने लहान आहे. परंतू प्रत्यक्ष मैदानात जेनिफरने दिपीकाला चांगलंच झुंजवलं. दिपीकाचा सामना सुरु असताना मैदानात हवा होती, ज्यामुळे पहिल्याच प्रयत्नात तिला ७ गुणांवर समाधान मानावं लागलं. दुसऱ्या आणि तिसऱ्या प्रयत्नात दिपीकाने ९-९ गुणांची कमाई करत चांगलं पुनरागमन केलं. परंतू जेनिफरने पहिला सेट खिशात घालत आघाडी घेतली.

Tokyo Olympic 2020 : मराठमोळ्या प्रवीण जाधवचा पदकावरचा नेम चुकला, आव्हान संपुष्टात

दुसऱ्या आणि तिसऱ्या सेटमध्ये दिपीका कुमारीने आपल्या अनुभवाचा फायदा घेत आश्वासक कमबॅक करत सामन्यांत आघाडी घेतली. २० वर्षी जेनिफरने या सेटमध्ये काही चुका करत दिपीकाला हातात संधी दिली. परंतू चौथ्या सेटमध्ये अमेरिकेच्या जेनिफरने पुन्हा एकदा सामन्याचं चित्र पालटलं.२५-२४ च्या फरकाने चौथा सेट जिंकत जेनिफरने सामन्यात ४-४ अशी बरोबरी केली.