मध्यरात्री क्लोरिन वायूची गळती

अग्निशमन अधिकारी सुनील नाईकनवरे यांनी सांगितले की, कोंढवा येथील गंगाधाम परिसरात बुधवारी आणि गुरुवारच्या मध्यरात्री एका जुन्या जलशुद्धीकरण केंद्राच्या गोदामात ठेवलेल्या क्लोरीन टाकीतून वायू गळती होत असल्याची माहिती मिळाली होती. माहिती मिळताच घटनास्थळी पोहोचलेल्या पथकाने संपूर्ण परिसर रिकामा केला आणि वायूचा प्रसार रोखण्यासाठी टाकीला पॅच लावले. या प्रक्रियेदरम्यान स्वतः दोन जवानही या विषारी वायूच्या विळख्यात आले.

हे ही वाचा : 'शेतकरी, मजूर आणि दिव्यांगांसाठी शिवसेनेचा धनुष्यबाण हाती..' बच्चू कडूंची मोठी घोषणा; प्रहार संघटनेचं काय होणार?

रहिवाशांना श्वास घेण्यास त्रास

भिलारे यांनी 'आजतक'ला सांगितले की, वायू पसरल्यामुळे आसपासच्या परिसरात राहणाऱ्या किमान 22 लोकांना आणि बचाव कार्यात गुंतलेल्या 2 अग्निशमन दलाच्या जवानांना श्वास घेण्यास त्रास होऊ लागला. सर्व 24 जणांना तातडीने ससून जनरल रुग्णालयात दाखल करण्यात आले असून, तिथे त्यांच्यावर उपचार सुरू आहेत.

हे ही वाचा : पार्सल देण्याचे बहाण्याने घरात घुसला, कोणी नसल्याचं पाहिलं अन् MBA च्या विद्यार्थीनीवर दुकानदाराचा बलात्कार

पोलीस तपास सुरु

रुग्णालयातील अधिकाऱ्यांनी सांगितले की, रुग्णालयात दाखल असलेले सर्व 22 रहिवासी आणि दोन्ही अग्निशमन जवान आता धोक्याबाहेर आहेत. सध्या त्यांना डॉक्टरांच्या देखरेखीखाली ठेवण्यात आले आहे. बंद पडलेल्या प्लांटमध्ये घातक वायूची टाकी निष्काळजीपणे का सोडण्यात आली होती, याचा तपास पोलीस आणि प्रशासन करत आहेत.