IPL Auction 2023 नंतर कोणता संघ मजबूत?; पाहा सर्व 10 संघांचे स्कॉड

इंडियन प्रीमियर लीग (IPL) 2023 सीझनचा लिलाव शुक्रवारी (23 डिसेंबर) कोची येथे झाला. यावेळी लिलावात 405 खेळाडू निवडण्यात आले. सर्व 10 संघांकडे खेळाडू खरेदी करण्यासाठी 87 स्लॉट होते. मात्र लिलावात केवळ 80 खेळाडूंचीच विक्री झाली आहे. यामध्ये 29 खेळाडू परदेशी ठरले आहेत. या खेळाडूंना खरेदी करण्यासाठी सर्व संघांनी एकूण 167 कोटी रुपये खर्च केले. आयपीएलचे 7 संघ भरले आहेत. त्यांच्या संघात 25-25 खेळाडू पूर्ण झाले आहेत. कोलकाता नाईट रायडर्स (KKR) च्या संघात 22 खेळाडू आहेत, तर मुंबई इंडियन्सचे 24 आणि पंजाब किंग्सचे 22 खेळाडू आहेत. अशा स्थितीत या तिन्ही संघांमध्ये अजूनही 7 जागा शिल्लक आहेत.