मुंबईतील रेल्वे स्थानकावर तरुणाचे मुलीकडे पाहून अश्लील चाळे, तरुणीने कानाखाली काढला जाळ, VIDEO

हे ही वाचा : शरद पवार गटाच्या नेत्यावर सत्तूरसह तलवारीने केले वार, गाडीवर दगडफेक करत केली तोडफोड, प्रकृती चिंताजनक

गोवंडी रेल्वे स्थानकावर तरुणाचे अश्लील चाळे

तरुणाने अश्लील हावभाव केल्याचा व्हिडिओ तिने रेकॉर्ड केला नंतर त्या तरुणीला जाब विचारण्यास सुरुवात केली. तरुणाने केलेल्या या हावभावाच्या  घटनेचा व्हिडिओ सोशल मीडियावर जोरदार व्हायरल होताना दिसत आहे. तरुणीने तरुणाला विचारलेल्या जाबाचे सर्वत्र कौतुक होताना दिसत आहे. ही धक्कादायक घटना दोन दिवसांपूर्वी घडली असल्याची माहिती आहे. 

तरुणीने मोबाईलमध्ये व्हिडिओ रेकॉर्ड करत...

तरुणी रेल्वेची वाट बघत असताना तरुणाने तिच्याकडे पाहून अश्लील कृत्य केले होते. हे सर्व चित्र पाहून तिने प्रसंगावधान राखत आपल्या मोबाईलमध्ये तरुणाने केलेल्या हावभावाचा व्हिडिओ रेकॉर्ड केला होता. तेव्हा ती थेट त्या तरुणाजवळ गेली आणि नंतर त्याने केलेल्या कृत्याबाबत जाब विचारला. 

तरुणीने तरुणाला विचारला जाब विचारत कानशील रंगवलं

व्हिडिओ पाहिल्यानंतर दिसते की गोवंडी रेल्वे स्थानकावर एक तरुण तरुणीकडे पाहून अश्लील हावभाव करत होता. त्याचक्षणी तिने प्लॅटफॉर्म बदलत त्याच्याकडे जाऊन त्याला थेट जाब विचारत खडसावलं. माझ्याकडे बघून कसे हावभाव करत होता? थांब तुला व्हिडिओ दाखवते, असं म्हणत तिने त्याचं कानशिल रंगवलं

हे ही वाचा : मोठी बातमी : एकनाथ शिंदेंसोबत जाण्यासाठी 'त्या' आमदाराने 50 कोटी घेतले, भाजप आमदाराने नाव सांगितलं

हे बघून घटनास्थळावरील लोक त्या ठिकाणी जमा झाले आणि तरुणाची विकृती पाहून त्याला बेदम मारहाण करण्यात आली. या संपूर्ण घटनेचा व्हिडिओ सध्या सोशल मीडियावर तुफान व्हायरल होत आहे. अनेकांकडून तरुणीचे कौतुक होत आहे. तरुणाच्या अशा कृत्याने महिलांच्या सुरक्षेचा प्रश्न पुन्हा एकदा ऐरणीवर आला आहे.