शरद पवार गटाच्या नेत्यावर सत्तूरसह तलवारीने केले वार, गाडीवर दगडफेक करत केली तोडफोड, प्रकृती चिंताजनक

हे ही वाचा : ज्योतिषशास्त्रानुसार 'या' राशीतील लोकांना करिअरमध्ये होणार मोठा फायदा, पैशांची कधीच कमी भासणार नाही

नेमकं रात्री काय घडलं? 

मिळालेल्या माहितीनुसार, अहिल्यानगर-बीड जिल्ह्याच्या सीमेलगतच मांदगाव येथून राम खाडे आपल्या सहकाऱ्यांसोबत अहिल्यानगरकडे जात असताना ही घटना घडली. तेव्हा हल्लेखोरांनी राम खाडे यांच्या गाडीवर हल्ला केला असता, गाडीची तोडफोड देखील केली होती. हल्लेखोरांनी लाठी-काठी, तलवार, पिस्तूल आणि सत्तूरचा वापर करत त्यांच्यावर हल्ला चढवला होता.  तेव्हा राम खाडे यांनी हल्लेखोरांचे अनेक वार आपल्या हातावर देखील झेलले होते. राम खाडेंच्या तुलनेत 15 जणांच्या टोळक्यांनी त्यांना बेदम मारहाण केली, या मारहाणीत ते गंभीर जखमी झाले. 

हल्ल्यामागील कारण काय? 

राम खाडे यांच्या गंभीर परिस्थिती पाहून त्यांना अहिल्यानगर येथील खासगी रुग्णालयात दाखल करण्यात आले. तिथे सध्या त्यांच्यावर उपचार सुरु आहेत. या घटनेचं गांभीर्य लक्षात घेत पोलिसांनी तपास सुरु केला. दरम्यान, राम खाडेवर कोणी वार केले आणि त्यामागील नेमकं कारण काय? या प्रश्नाचं उत्तर समोर आलेलं नाही. 

हे ही वाचा : नाशिक : नवऱ्याने प्रेयसीसोबतचे अश्लील फोटो दाखवले, मासिक पाळी येत नसल्याने टोमणे; लग्नाच्या 6 महिन्यानंतर नवविवाहितेची आत्महत्या

तसेच राम खाडेंची प्रकृती चिंताजनक असल्याची माहिती समोर आली. त्यानंतर परिस्थिती बघता त्यांना पुण्यातील रुग्णालयात हलवण्यात आले आहे.