बीड : माणसं आहेत की सैतान? घरात झोपलेल्या विवाहितेला उचलून नेत गावाबाहेर अत्याचार, नंतर चावडीवर बांधून ठेवलं

हेही वाचा : 29 मार्च रोजी केतूचा मघा नक्षत्रात प्रवेश, 'या' पाच राशींच्या लोकांचा गोल्डन टाईम सुरु; पुढील आठ महिने तुमचेच!

नदीकाठी अत्याचार आणि चावडीवर अमानवीय कृत्य

आरोपीची विकृती एवढ्यावरच थांबली नाही; अत्याचार केल्यानंतर त्याने पीडितेला पुन्हा गावाच्या मध्यभागी असलेल्या सार्वजनिक चावडीवर आणले. तिथे त्याने तिला एका खांबाला घट्ट बांधून ठेवले आणि स्वतः घटनास्थळावरून पसार झाला. मध्यरात्रीच्या त्या भयाण शांततेत पीडिता वेदनेने विव्हळत तिथेच बेशुद्ध अवस्थेत पडून होती. पहाटे जेव्हा गावकरी चावडीजवळ जमा झाले, तेव्हा त्यांना हा धक्कादायक प्रकार दिसून आला. एका कोवळ्या वयातील विवाहितेला अशा प्रकारे बांधून ठेवलेले पाहून सर्वजण स्तब्ध झाले. सुरुवातीला भीतीने किंवा गोंधळामुळे कोणीही पुढे येण्याचे धाडस दाखवले नाही, मात्र काही वेळाने गावातील लोकांनी हिंमत दाखवून तिची त्या खांबापासून सुटका केली. 

हिंमत एकवटून पोलिसात धाव आणि आरोपीला बेड्या

दोन दिवसांच्या मानसिक धक्क्यातून सावरल्यानंतर पीडितेने अखेर अन्यायाविरुद्ध आवाज उठवण्याचा निर्णय घेतला. तिने आपल्या कुटुंबासह पिंपळनेर पोलीस ठाणे गाठून वैभव पटेकरविरुद्ध सविस्तर फिर्याद नोंदवली. पिंपळनेर पोलिसांनी घटनेचे गांभीर्य लक्षात घेऊन तात्काळ तपासाची चक्रे फिरवली आणि मुख्य आरोपी वैभव गिताराम पटेकर याला बेड्या ठोकल्या. पोलिसांनी आरोपीवर भारतीय न्याय संहितेच्या विविध गंभीर कलमान्वये आणि अत्याचार प्रतिबंधक कायद्यांतर्गत गुन्हा दाखल केला आहे. आरोपीला न्यायालयात हजर केले असता, त्याला 17 मार्चपर्यंत पोलीस कोठडी सुनावण्यात आली आहे. 

बीडमधील या घटनेने ग्रामीण भागातील महिलांच्या सुरक्षेचा प्रश्न पुन्हा एकदा ऐरणीवर आणला आहे. एका अल्पवयीन विवाहितेला तिच्या स्वतःच्या घरातून उचलून नेले जाते आणि त्यानंतर तिला गावाच्या मध्यभागी अमानुष वागणूक दिली जाते, ही बाब सामाजिक व्यवस्थेसाठी अत्यंत लाजीरवाणी आहे. या घटनेचा व्हिडिओ देखील समाजमाध्यमांवर व्हायरल झाला असून, त्यामध्ये पीडितेची दुरवस्था पाहून नागरिकांमधून तीव्र संताप व्यक्त केला जात आहे. 

इतर महत्त्वाच्या बातम्या 

पुण्यात काळजाचा ठोका चुकवणारी घटना, चिमुरडीचे इवले हात लिफ्टच्या दारात अडकले, घटनेचा थरार CCTV मध्ये कैद